Almatyda írí ayaqtalmaǵan qūrylys nysany sot sheshímímen súrílíp jatyr, – dep habarlaıdy aqshamnews.kz tílshísí.
Almatydaǵy Qalalyq josparlau baqylau basqarmasy Seıfullın dańǵyly, 348 mekenjaıynda ornalasqan 5 qabatty ǵımarattyń súrílíp jatqanyn habarlady.
Būǵan deıín jospardan tys tekseru barysynda menshík ıesíne qatysty ákímshílík sharalar qoldanylyp, anyqtalǵan zańbūzushylyqtardy joyu turaly nūsqama berílgen.
Keıín basqarma ayaqtalmaǵan qūrylysty būzu turaly talap aryzdy Almatynyń Mamandandyrylǵan audanaralyq ekonomıkalyq sotyna joldaǵan. Sot talap aryzdy qanaǵattandyryp, qalalyq sot bírínshí satydaǵy sheshímdí ózgeríssíz qaldyrdy.
2025 jyly 21 shíldede Ádílet departamentínde atqarushylyq ís júrgízu qozǵaldy.
Búgín sot oryndaushylarynyń qatysuymen nysandy būzu jūmystary bastaldy.