Almaty qalasynyń Almaly audanynda polıtseıler ınternet arqyly bírneshe alayaqtyq deregín jasaǵan degen kúdíkpen 34 jastaǵy áıeldí ūstady, dep habarlaıdy aqshamnews.kz.
Tergeu barysynda anyqtalǵandaı, kúdíktí ınternet jelísínde brendtík kıím-keshek pen tūrmystyq zattardy satu turaly jalǵan habarlandyrular ornalastyrǵan. Tauardy satyp aluǵa nıet bíldírgen azamattardan aldyn ala nemese tolyq tólem alyp, uáde etílgen tauardy jetkízbegen. Qazírgí uaqytta polıtsıya qyzmetkerlerí kúdíktíníń bírneshe alayaqtyq áreketín tírkedí. Atalǵan faktí boıynsha Qazaqstan Respublıkasy Qylmystyq kodeksíníń 190-baby (Alayaqtyq) boıynsha sotqa deıíngí tergeu amaldary júrgízílude. Áıel qamauǵa alyndy.
– Qazírgí tańda ınternet keńístígí alayaqtar úshín aldau men ońaı olja tabudyń alańyna aınalyp otyr. Sondyqtan tūrǵyndardan saq boludy, beıtanys tūlǵalarǵa aqsha audarmaudy sūraımyz. Eger kúmándí jaǵdaılar oryn alsa, dereu polıtsıyaǵa habarlasyńyzdar. Osy kúdíktíníń alayaqtyq áreketterínen zardap shekken azamattar bolsa, bízge habarlasyp, aryz jazuyn sūraımyz, – dedí Almaly audandyq polıtsıya basqarmasynyń bastyǵy Maqsat Pshan.
Polıtsıya alayaqtyqpen kúrestí kúsheıtu baǵytynda jūmys júrgízíp jatqanyn málímdedí.