Almaty tóríndegí QR Ūlttyq kítaphanasynda Pavlodar oblystyq Būqar jyrau atyndaǵy ádebıet jáne óner muzeıíníń ókílderí kóshpelí kórme men respublıkalyq konferentsıya ūıymdastyrdy, – dep habarlaıdy aqshamnews.kz tílshísí.
«Ertís boıynyń jauharlary» atty kórmede Pavlodar óńírínen tabylǵan Abaı Qūnanbaıūlynyń alǵashqy jyr kítaby, ǵūlama Máshhúr Júsíptíń tūmary men Sháken Aımanovtyń «Aldarkóse» fılmínde kıgen bórkí, Júsípbek Aımauytov, Jūmat Shanın, Janbıke Shanına, Isa Baızaqov, Sháken Aımanov, Káuken Kenjetaev, Nūtfolla Shákenov, Mūzafar Álímbaev, Qalmūqan Isabaev jáne taǵy da basqa ūlt tūlǵalarynyń jeke zattary, Ertís boıynyń mádenıetí men óneríne qatysty ózge de jádígerler tanystyryldy.

Ís-shara barysynda Būqar jyrau atyndaǵy ádebıet jáne óner muzeıíníń ūıytqy boluymen bıyl jaryq kórgen ekí kítaptyń tūsauy kesíldí.
«Bírínshí kítap – «Qartqoja Toǵanbaev». Onda Júsípbek Aımauytovtyń áıgílí «Qartqoja» romanyndaǵy negízgí keıípker, Alash qozǵalysynyń qaıratkerí, audarmashy, publıtsıst Qartqoja Toǵanbaevtyń ómírí men qyzmetíne qatysty arhıvtík qūjattar, fotosuretter men zertteu maqalalary jınaqtalǵan. Al ekínshísí – «Kúretamyr». Onda Halyq ártísí, ánshí, aktyor Káuken Kenjetaevtyń ákesí, halyq auyz ádebıetí úlgílerí men folklor mūralaryn jınaushy Kenjetaı Aımanovtyń óleńderí men el auzynan jazyp alǵan ańyz-hıkayalary, qıssa-shejírelerí jınaqtalǵan», – dedí Pavlodar oblystyq Būqar jyrau atyndaǵy ádebıet jáne óner muzeıíníń basshysy Erbol Qaıyrov.

«Bayantaudan Alatauǵa: ruh sabaqtastyǵy» atty respublıkalyq ǵylymı-mádenı konferentsıya jūmysyna elímízge tanymal ádebıettanushy ǵalymdar, Ertístíń Pavlodar óńírínen shyqqan ǵylym men mádenıet, ádebıet pen óner qaıratkerleríníń ūrpaqtary qatysty.
Nūrjamal ÁLÍSh