Almatyda qalanyń densaulyq saqtau júıesíníń osy jyldyń 9 aıyndaǵy jūmys nátıjelerín talqylauǵa arnalǵan alqa otyrysy óttí, dep habarlaıdy aqshamnews.kz
Jıynǵa qala ákímíníń orynbasary Nūrlan Ábdírahym tóraǵalyq ettí.
Qalalyq qoǵamdyq densaulyq saqtau basqarmasynyń basshysy Marat Pashımov atqarylǵan jūmystar turaly esep berdí.
Otyrysta sondaı-aq, «Áleumettík medıtsınalyq saqtandyru qory» Jeke aktsıonerlík qoǵamy Almaty qalalyq fılıalynyń dırektory Ílıyas Mūhamedjan, Almaty qalasy boıynsha Sanıtarıyalyq-epıdemıologıyalyq baqylau departamentíníń basshysy Qasymhan Alpysbaıūly jáne QR DSM Medıtsınalyq jáne farmatsevtıkalyq baqylau komıtetíníń Almaty qalasy boıynsha departamentíníń basshysy Damır Dauletbaev bayandama jasady.
Qalada densaulyq kórsetkíshterí boıynsha tūraqty oń dınamıka baıqalady. Jalpy adam ólímí 0,75%-ǵa tómendep, respublıkalyq ortasha deńgeıden 21%-ǵa tómen kórsetkíshtí saqtap otyr.
Bıylǵy 9 aıda Almatyda ana ólímí tírkelgen joq, al náreste ólímí 21,8%-ǵa tómendedí. Būl el boıynsha eń jaqsy kórsetkíshterdíń bírí.
Qan aınalym júıesí aurularynan (–4,9%), onkologıyalyq aurulardan (–13%), tuberkulezden (shamamen ekí esege), jaraqattar men jazataıym jaǵdaıdan (–11%) bolatyn ólím-jítím de tómendep keledí.
Almatynyń medıtsına ūıymdarynda 18,5 myńnan astam qyzmetker eńbek etedí, onyń íshínde 5 myńnan astam dáríger jáne 10 myńnan astam orta buyn mamandar. Dárígerlermen qamtylu deńgeıí – 91,5%, orta medıtsınalyq qyzmetkermen qamtylu – 90,5%.
Jyl saıyn qala medıtsına ūıymdaryna 400-den astam jas maman jūmysqa ornalasady. Būl kadr tapshylyǵyn kezeń-kezeńmen azaıtuǵa jáne júıeníń kásíbı áleuetín nyǵaıtuǵa yqpal etedí.
Almatyda medıtsınalyq maman tapshylyǵyn tómendetu boıynsha sharalar júzege asyrylyp keledí. 2025 jyly qaladaǵy medıtsınalyq joǵary oqu oryndarynda 319 rezıdent bílím alyp júr, onyń 124-í bıyl túsken. 2024–2025 oqu jylyna ákímdíktíń memlekettík tapsyrysy boıynsha tehnıkalyq jáne kásíptík bílím beru baǵdarlamalaryna 1 216 student qabyldanǵan.
Almatyda 2030 jylǵa deıín densaulyq saqtau ınfraqūrylymyn jańǵyrtudyń kezeńdík jospary íske asuda. Ekí alǵashqy medıtsınalyq-sanıtarlyq kómek ortalyǵy, jedel járdem qosalqy stansasy jáne emhana qūrylysy ayaqtaluǵa jaqyn. Sondaı-aq, №4 QKA, №7 QKA jáne №1 perzenthana jóndelíp jatyr.
2026 jyldan bastap kópsalaly auruhanalar, balalar klınıkalyq ortalyqtary, onkoortalyq jáne perınataldyq ortalyqty qamtıtyn toǵyz jańa nysannyń qūrylysy josparlanǵan.
Medıtsınalyq tehnıkamen qamtamasyz etílu deńgeıí 93,9%.
Bıyl qala medıtsına ūıymdary úshín shamamen 3000 bírlík zamanauı jabdyq satyp alu kózdelgen.
2025 jyly telemedıtsına, jasandy ıntellekt jáne qashyqtan densaulyq monıtorıngín bíríktíretín Almaty Digital Medical Center (ADMC) tsıfrlyq medıtsına ortalyǵy íske qosyldy. Patsıentterdí Face ID arqyly sáıkestendíru, elektrondy auruhana paraǵy, anyqtamalar jáne t.b. engízíldí.
Qashyqtan kórsetíletín medıtsınalyq qyzmet sany 236 myńǵa jettí. Onkoortalyqta hımıopreparattardy robottandyrylǵan daıyndau júıesí íske qosyldy, al emhanalarda jasandy ıntellekt elementterí bar dauys kómekshílerí jūmys ísteı bastady.
Almaty medıtsınalyq turızm ortalyǵy retíndegí pozıtsıyasyn da nyǵaıtyp keledí. 2025 jyldyń 9 aıynda qala statsıonarlarynda TMD elderínen, Reseı, Ózbekstan jáne Qyrǵyzstannan kelgen 279 sheteldík nauqas emdeldí. Eń sūranysqa ıe baǵyttar – perınatologıya, onkologıya, oftalmologıya, hırurgıya jáne urologıya.
Qaladaǵy 29 medıtsınalyq ūıym 59 baǵyt boıynsha joǵary tehnologıyalyq kómek kórsetedí. Būl ótken jylǵa qaraǵanda 7%-ǵa artyq. Mūndaı kómektí 4 800-ge juyq patsıent aldy.
Negízgí baǵyttar – kardıohırurgıya, neırohırurgıya, akusherlík-gınekologıyalyq kómek, EKO jáne kardıoverter-defıbrıllyatorlar ımplantatsıyasy.
Qorytyndy sózínde Almaty qalasy ákímíníń orynbasary Nūrlan Ábídrahym qalanyń densaulyq saqtau júıesíníń basty baǵyttar boıynsha tūraqty damu jáne oń nátıje kórsetíp otyrǵanyn atap óttí. Ol medıtsınalyq kómektíń sapasy men qoljetímdílígín arttyru, byudjet qarajatyn tıímdí paıdalanu, tsıfrlyq tehnologıya engízu jáne bílíktí kadrlardy dayarlau jūmystaryn jalǵastyrudyń mańyzyn atap óttí.
Ákím orynbasarynyń aıtuynsha, aurulardy erte aldyn alu, ınfraqūrylymdy damytu jáne ūlttyq ındıkatorlardyń tolyq oryndaluyn qamtamasyz etuge erekshe nazar audaru qajet.