Almaty qalasy Sport basqarmasynyń basshysy Darhan Nūrhanūly Óńírlík kommunıkatsıyalar qyzmetí alańynda jurnalıster aldynda sóz sóılep, qaladaǵy sporttyq ınfraqūrylymnyń qazírgí jaǵdaıy, ınvestıtsıyalyq jobalardyń júzege asuy men būqaralyq árí kásíbı sportqa arnalǵan nysandardy damytudy kózdeıtín josparlary turaly bayandady.
Qazírgí tańda Almaty qalasynda 3 638 sport nysany jūmys ísteıdí, sporttyq ınfraqūrylymmen qamtylu deńgeıí 54,6%-dy qūraıdy.
«Sport zaldary 78,3% qamtylsa da, álí de 39,5 myń sharshy metrdeı alań tapshy bolyp otyr, júzu basseınderí boıynsha kórsetkísh 31% jáne ondaǵy tapshylyq 39,2 myń sharshy metrdeı bolady», – dedí Darhan Nūrhanūly.
«Būl derek bízde álí de damıtyndaı múmkíndík bar ekenín kórsetedí, qazír bíz osy olqylyqty joyu úshín tynbaı jūmys ístep jatyrmyz».
Jeke ınvestıtsıyalar esebínen sport nysandaryn salu men jańǵyrtuǵa da kóp kóńíl bólíníp otyr.
Ótken jyly Alatau audanynda osyndaı tennıs ortalyǵy paıdalanuǵa beríldí. Būl nysan 2020 jyldan berí būrynǵy merdígerlerdíń jauapsyzdyǵyna baılanysty ayaqtalmaı tūrǵan bolatyn.
«Investorlardyń qoldauynyń arqasynda qūrylys tolyq bítíp, qazír ortalyq sportshylardy qabyldap, halyqaralyq deńgeıdegí jarystardy ótkízuge tolyq daıyn tūr», – dep atap óttí Sport basqarmasynyń basshysy.
Sonymen qatar basseıní bar, jalpy aumaǵy 7 400 sharshy metr bolatyn, táulígíne 600-den astam adamdy qabyldaı alatyn «Jas Qanat» dene shynyqtyru-sauyqtyru keshení de ashyldy.
«Jańa FOK būqaralyq sportty damytyp, kásíbı sportshylardy dayarlau múmkíndígín edáuír keńeıttí», – dedí Darhan Nūrhanūly.
Demeushílerdíń qarajatyna joǵary sport sheberlígíne mamandandyrylǵan mektepte aǵymdaǵy jóndeu jūmystary júrgízíldí, oǵan írgeles aumaqta dene shynyqtyru-sauyqtyru kesheníníń qūrylysy ayaqtalu satysynda tūr.
Sondaı-aq №9 sport mektebínde ǵımarattyń seısmıkalyq tūraqtylyǵyn kúsheıtu arqyly kúrdelí jóndeu jūmysy bastaldy.
«Būl sportshylarymyzdyń qauípsízdígín qamtamasyz etíp, jattyǵu úshín jaǵdaı jasau jolyndaǵy mańyzdy qadam», – dep atap óttí Nūrhanūly.
Sóz sońynda Sport basqarmasynyń basshysy sporttyq ınfraqūrylymdy damytu qala sayasatynyń basym baǵyttarynyń bírí bolyp qala beretínín aıtty. Aldaǵy jyldary jańa nysandar salyp, qoldanystaǵylaryn jańǵyrtyp, ınvestıtsıya tartu jūmystary jalǵasyp, qala tūrǵyndaryn sapaly árí qoljetímdí sport nysandarymen qamtamasyz etu kózdelíp otyr.
«Maqsatymyz – jasyna, daıyndyǵyna qaramaı, ár almatylyqtyń sapaly sport nysanyna qoly jetuín qamtamasyz etu», – dep túıíndedí basshy.