18-19 qazanda qalada Almaty oblysy tauar óndírushíleríníń keńeıtílgen auyl sharuashylyǵy jármeńkesí ótedí. Ís-shara otandyq óndírushílerdí qoldauǵa, bírínshí qajettílíktegí azyq-túlík baǵasyn tūraqtandyruǵa jáne jaǵymdy sıpattaǵy kóńíl-kúı qalyptastyruǵa baǵyttalǵan «Bereke Fest» respublıkalyq bastamasy ayasynda ótedí.
Ekí kún boıy qala tūrǵyndary men qonaqtary balǵyn, jańa písken árí sapaly ónímderdí tíkeleı auyl sharuashylyǵy óndírushílerínen satyp ala alady. Jármeńkege Almaty oblysynyń 12 audany jáne Qonaev qalasy qatysady. Qala tūrǵyndaryna 50-den astam óním túrí: et jáne sút, jemíster men kókóníster, shūjyq ónímderí, ūn, jarma, ósímdík jáne maldyń maıy ūsynylady.
Jármeńkedegí ónímníń jalpy kólemí 350 tonna, onyń íshínde 100 tonna et, 100 tonna jemís-kókónís, 50 tonna sút jáne 120 tonna basqa da ónímder.
Jármeńke saǵat 8:00-den 17:00-ge deıín Qazybek bı kóshesínde, Abylaı han dańǵylynan Panfılov kóshesíne deıíngí aralyqta ótedí. «Bereke Fest» azyq-túlík qauípsízdígín nyǵaıtu, jergílíktí óndírístí damytu jáne qazaqstandyq tauarlardy nasıhattau úshín jaǵdaı jasaı otyra, eldegí óńírlerdí bíríktíredí.