Almatyda aua sapasyn jaqsartuǵa baǵyttalǵan keshendí jūmys jalǵasuda. Qalalyq shyǵaryndylardyń shamamen 60 paıyzy avtokólíkterden shyǵatyndyqtan, osy baǵytqa erekshe kóńíl audarylyp otyr. Būl turaly qalanyń Ekologıya jáne qorshaǵan orta basqarmasynyń ókílderí aıtty.
Atmosferalyq auany qorǵau jóníndegí sharalar jospary ayasynda ekologıyalyq qyzmet mamandary polıtsıya departamentímen bírlesíp jolda reıdter júrgízude. «Eco Almaty» JShS-níń jyljymaly zerthanalary kólík qūraldarynyń shyǵaryndylar deńgeıín oqıǵa ornynda ólsheıdí.
Aıta keteıík, 2025 jyly Eco Almaty jáne «Renessans plyus» kompanıyasynyń qyzmetkerlerí 186 myńnan astam ólshem júrgízíp, 20 myńǵa juyq hattama jasady. Salynǵan aıyppūldardyń jalpy somasy 653 mln teńgeden asty.
Jospar ayasynda qatty otyndy qoldanatyn qoǵamdyq tamaqtanu oryndary – káuaphanalar men monshalardy anyqtau boıynsha jūmystar da qolǵa alynǵan. Būl baǵyttaǵy jūmystar jalǵasyp jatyr.
Eske sala keteıík, Almatyda «Almaty qalasynyń aumaǵynda atmosferalyq auany qorǵau salasyndaǵy arnaıy ekologıyalyq talaptardy engízu turaly» jańa erejeler jobasy ázírlengen. Qūjat qazír kelísu rásímínen ótíp jatyr. Ereje halyq pen bızneske qoldau sharalaryn engízuge, ekologıyalyq tehnologıyaǵa kóshuge jáne avtoparktí jańartuǵa qūqyqtyq negíz qalyptastyrady.
Erejeler qabyldanǵannan keıíngí nátıje jan-jaqty bolmaq. Negízgí lastaushy retínde avtopark basty ekologıyalyq baqylauǵa alynady. Būryn retteuge shamaly tartylǵan III sanattaǵy kásíporyndar da jańa talaptarǵa baǵynady: olar ekologıyalyq normalardy saqtauǵa jáne tekseruden ótuge míndettí. Sonymen qatar aua sapasyn jedel baqylauǵa múmkíndík beretín bíryńǵaı monıtorıng júıesí qūrylyp, tūrǵyndarǵa ashyq derekter ūsynylady. Qalada LEZ aımaqtar paıda bolady. Būl kólík qozǵalysyna ekologıyalyq talaptar engízíletín aumaqtar, olardyń maqsaty – aua lastanuyn azaıtu jáne qalalyq ortany jaqsartu.