AqshamNews.kz - "Алматы-ақшамы" қоғамдық-саяси газеті AqshamNews.kz - "Алматы-ақшамы" қоғамдық-саяси газеті
  • Basty bet
  • Qūryltaı
  • Barlyǵy
    • Resmı bólím
    • Sport
    • Kerek keńes
    • Medıtsına
    • Bílím jáne ǵylym
    • Zań men tərtíp
    • Oqıǵa
    • Ne? Qaıda? Qashan?
    • Eksklyuzıv
    • Almaty kóshelerí
    • Joldau
    • Keleshek mektepterí
    • Sybaılas jemqorlyqqa qarsy kúres
  • Jańa Konstıtutsıya
Қазақ Qazaq قازاق Русский
Қазақ Qazaq قازاق Русский
AqshamNews.kz - "Алматы-ақшамы" қоғамдық-саяси газеті
  • 🏠 Basty bet
  • Qūryltaı
  • Barlyǵy
    • • Resmı bólím
    • • Sport
    • • Kerek keńes
    • • Medıtsına
    • • Bílím jáne ǵylym
    • • Zań men tərtíp
    • • Oqıǵa
    • • Ne? Qaıda? Qashan?
    • • Eksklyuzıv
    • • Almaty kóshelerí
    • • Joldau
    • • Keleshek mektepterí
    • • Sybaılas jemqorlyqqa qarsy kúres
  • Jańa Konstıtutsıya
  • 📰 Gazet arhıví

Bíz áleumettík jelílerde:

💱 Valyuta baǵamy:

Basty bet / Almaty / Almatyda áuejaıynda jańǵyrtylǵan íshkí reıster term...

Almatyda áuejaıynda jańǵyrtylǵan íshkí reıster termınaly ashyldy

Almaty 14.11.2026, 18:58 246
Алматыда әуежайында жаңғыртылған ішкі рейстер терминалы ашылды
Kaırat Konuspaev

Jobaǵa josparlanǵan ınvestıtsıyanyń jalpy kólemí – 360 mln AQSh dollary, dep habarlaıdy aqshamnews.kz tílshísí.

Almaty halyqaralyq áuejaıynda íshkí reısterge arnalǵan qaıta jańǵyrtylǵan termınaldyń ashylu rásímí óttí. Auqymdy jańartu jūmystary eldíń basty áue aılaǵyn damytuǵa baǵyttalǵan Project Horizon baǵdarlamasynyń kezektí kezeńí boldy. Joba ayasynda bagaj júıesíníń ótkízu qabíletí arttyrylyp, jolaushylardy otyrǵyzu aımaqtary men jolaushylar ınfraqūrylymy jańartyldy. Jūmystar 13 aıda ayaqtaldy.

QR Premer-mınıstríníń orynbasary – Kólík mınıstrí Ásel Janasova Memleket basshysy Qasym-Jomart Toqaevtyń eldíń kólík-logıstıkalyq áleuetín nyǵaıtuǵa, áuejaı ınfraqūrylymyn jańǵyrtuǵa jáne azamattarǵa kórsetíletín qyzmet sapasyn arttyruǵa erekshe kóńíl bóletínín atap óttí. Onyń aıtuynsha, jańartylǵan termınaldyń ashyluy – osy baǵyttaǵy jūmystyń naqty nátıjesí.

– Almaty – elímízdíń ískerlík jáne qarjy ortalyǵy. Sondyqtan qalanyń áuejaıyn damytu aıryqsha mańyzǵa ıe. Būl jolaushylarǵa qyzmet kórsetu sapasyn arttyruǵa, qalanyń turıstík jáne ískerlík áleuetín nyǵaıtuǵa, sondaı-aq óńírdegí írí avıatsıyalyq habtardyń bírí retíndegí ornyn kúsheıtuge múmkíndík beredí, – dedí Ásel Janasova.

Sondaı-aq ol áuejaı ınfraqūrylymyn damytu eldíń strategıyalyq basym baǵyttarynyń bírí ekenín jetkízdí. Onyń sózínshe, Qazaqstan tranzıttík múmkíndíkterín nyǵaıtyp, halyqaralyq áue qatynasyn keńeıtudí kózdep otyr.

– Seríktesterímízben bírlesken maqsatymyz – 2040 jylǵa qaraı jolaushylar aǵynyn jylyna 50 mıllıon adamǵa jetkízu. Qazaqstannyń avıatsıyalyq áleuetín odan árí damytyp, áuejaılarymyzdyń halyqaralyq joǵary standarttarǵa saı boluyn qamtamasyz etuímíz kerek, – dedí mınıstr.

Būdan bólek, ol júk avıatsıyasyn damytu men multımodaldy tasymaldardy keńeıtudíń perspektıvalaryna toqtalyp, Qazaqstannyń Azıya men Europany baılanystyratyn logıstıkalyq torap retíndegí áleuetí zor ekenín aıtty.

Almaty qalasynyń ákímí Darhan Satybaldy áue aılaǵyn damytuǵa ınvestorlardyń qosyp otyrǵan úlesín atap óttí. Jobaǵa josparlanǵan ınvestıtsıyanyń jalpy kólemí – 360 mıllıon AQSh dollary. Onyń 120 mıllıon dollary qazírdíń ózínde ıgerílgen. Al kelesí jyly taǵy 150 mıllıon dollar ınvestıtsıya tartu josparlanyp otyr.

Qala bılígí áuejaı aumaǵyn keńeıtu jūmystaryna da atsalysuda. Búgínde 332 gektar jer áuejaıdyń balansyna berílgen. Sonymen qatar Almaty oblysy tarapynan taǵy 300 gektar jerdí beru máselesí qarastyrylyp jatyr.

Ákímníń aıtuynsha, áuejaı – qalanyń vızıt kartasy. Sondyqtan ony jańǵyrtu qala tūrǵyndary men turıster úshín de mańyzdy. Aldaǵy jobalardy íske asyru áue aılaǵynyń ótkízu qabíletín arttyryp, Almatynyń Ortalyq Azıyadaǵy írí kólík toraby retíndegí pozıtsıyasyn nyǵaıtuǵa múmkíndík beredí.

TAV Airports kompanıyasynyń bas dırektory Serkan Kaptan íshkí reıster termınalynyń 2000 jyly salynǵanyn eske saldy. Qaıta jańǵyrtu barysynda ūshaqqa otyrǵyzuǵa arnalǵan segíz aımaq jańartylyp, úsh jańa teleskopıyalyq trap ornatyldy. Jolaushylar ınfraqūrylymy tolyq jańartylyp, bagajdy óńdeudíń avtomattandyrylǵan júıesí íske qosyldy. Nátıjesínde onyń ótkízu qabíletí artty, al bagaj alu aımaqtarynyń aumaǵy ekí ese ūlǵaıdy.

Sonymen qatar jeldetu jáne jylytu júıelerí auystyrylyp, elektr jáne IT ınfraqūrylymy jańartyldy. Jańa meıramhanalar men dúkender, sanıtarlyq bólmeler jáne zamanauı VIP-aımaqtar ashyldy.

– Osy kúrdelí úderís barysynda túsínístík tanytyp, shydamdylyq kórsetken jolaushylarymyz ben áue kompanıyalaryndaǵy seríktesterímízge shynaıy alǵysymyzdy bíldíremíz. Búgín íshkí reıster termınalyn jańǵyrtu jūmystary tolyq ayaqtalǵanyn maqtanyshpen habarlaımyz, – dedí Serkan Kaptan.

Ol 2024 jyldyń mausymynda áuejaıdyń jańa halyqaralyq termınalynyń qūrylysy ayaqtalǵanyn da eske saldy. Joba 20 aıda júzege asyrylyp, áue aılaǵynyń ótkízu múmkíndígín edáuír arttyrdy. Ótken jyldyń qorytyndysy boıynsha áuejaı 12 mıllıonǵa juyq jolaushyǵa qyzmet kórsetken. Al 2026 jyldyń sońyna qaraı būl kórsetkíshtí 12,5 mıllıonǵa jetkízu josparlanyp otyr.

Áuejaı ınfraqūrylymyn damytu jūmystary álí de jalǵasuda. Sońǵy 12 aıda áue kemeleríne arnalǵan 14 jańa tūraq paıdalanuǵa berílíp, ekí būrylu joly jóndeldí jáne mūzdanuǵa qarsy arnaıy alań salyndy. Aldaǵy aptalarda ūzyndyǵy tórt shaqyrym bolatyn jańa parallel būrylu jolyn íske qosu josparlanǵan.

Būdan keıíngí josparlardyń qatarynda ekí termınaldy baılanystyratyn ótkel salu jáne halyqaralyq termınalda jolaushylardy ūshaqqa otyrǵyzuǵa arnalǵan qosymsha shyǵu aımaqtaryn ashu bar.

Telegram arnaǵa jazylyńyz
Bólísu:
Júktelude...

Sońǵy jańalyqtar

Múgedektígí bar balalardy úıde ońaltu jobasy bes óńírde júzege asyryluda

Búgín 17:05

Dostyq dańǵyly men Sátbaev kóshesíníń qıylysynda kólík qozǵalysy uaqytsha shekteledí

Búgín 16:30

Almatyda Bıbígúl Tólegenovanyń sheberlík sabaǵy óttí

Búgín 16:05

Keleshek mektepterí: Qazaqstannyń bílím beru ınfraqūrylymyn jańǵyrtu

Búgín 15:07

Qazaqstanda 11 jańa kolledj salu josparlanuda

Búgín 14:04
Telegram
Jazylyńyz
AqshamNews.kz - "Алматы-ақшамы" қоғамдық-саяси газеті

"Alatau Aqparat" medıaholdıngí

Síltemeler

  • Bíz turaly
  • Baılanys
  • Jarnama
  • Jazylu
  • Gazet arhıví

Baılanys

  • Respublıka Kazahstan. 050022, g. Almaty, Adres: ul. Shevchenko, 106 a
  • +77272930803
Copyright 2026, "Alatau Aqparat" medıaholdıngí
Яндекс.Метрика
// SMI24 vıdjet setTimeout(function() { if (typeof Smi24 !== 'undefined') { Smi24.init('[data-smi-widget-id="130"]'); } }, 1500);