Almatyda 16 nauryz – Mádenıet jáne ūlttyq salt-dástúr kúníne oraı, alǵash ret «Nomadic Art: Dala mádenıetíníń jahandyq beınesí» atty halyqaralyq festıval jáne ǵylymı-praktıkalyq konferentsıya óttí, – dep habarlaıdy aqshamnews.kz tílshísí.
Festıval ayasynda «Ūlttyq mūra – ūrpaqqa amanat: muzeı jádígerlerí men etnodızaınnyń toǵysuy» taqyrybynda ǵylymı-praktıkalyq konferentsıya, otandyq jáne sheteldík dızaınerlerdíń etnokollektsıyalar sheruí, qolóner sheberleríníń halyqaralyq kórmesí, kóne tehnologıyalardy jańǵyrtu boıynsha sheberlík sabaqtar ūıymdastyryldy.
Joba kóshpelíler mádenıetín nasıhattauǵa, zamanauı etnodızaındy damytuǵa jáne halyqaralyq shyǵarmashylyq baılanystardy nyǵaıtuǵa baǵyttaldy. Atalmysh festıval muzeı mūrasyn, ūlttyq qolóner men sán álemín jáne zamanauı kreatıvtí ındustrıyany toǵystyrdy.
Ís-shara barysynda Dúnıejúzílík qolóner qalalarynyń World Craft Cities jelísíne kíretín Taraz, Túrkístan jáne Almaty qalalarynyń tanystyrylymyna erekshe nazar audaryldy.
Qonaqtarǵa etnografıyalyq kórme, kóne jádígerler men zamanauı suretshílerdíń avtorlyq ınstallyatsıyalary, kıíz basu, keramıka jáne zergerlík būıymdar jasau ádísterí ūsynyldy.
Festıval ayasynda WCC sarapshylarymen B2B kezdesuler ótíp, Ortalyq Azıya qolónershílerín halyqaralyq naryqqa shyǵaru boıynsha strategıyalyq kelísímderge qol qoıyldy.