ALT University bazasynda kreatıvtí jáne tsıfrlyq tehnologıyaǵa arnalǵan ACT Creative Tech Week 2026 halyqaralyq aptalyǵy ashyldy. Qazaqstanda alǵash ret ūıymdastyrylǵan ís-shara jasandy ıntellekt, kreatıvtí ındustrıya, tsıfrlyq kontent pen ınnovatsıyalyq óndírís baǵyttaryn bíríktíredí.
Ashylu rásímíne Almaty Tourism Bureau ókílderí, sheteldík bílím beru jáne tehnologıyalyq ūıymdardyń delegatsıyalary, sondaı-aq jasandy ıntellekt pen kreatıvtí ındustrıya salasynyń sarapshylary qatysty.
Almatydaǵy Koreya Respublıkasynyń Bas konsuly Ha Te Uk koreyalyq mamandar qazaqstandyq jastarmen jasandy ıntellekt, aqyldy óndírís, No-Code tehnologıyasy jáne tsıfrlyq kontent salasyndaǵy tájírıbesín bólísetínín aıtty.
«Būl baǵdarlama adamı kapıtaldy damytuǵa jáne ekí el arasyndaǵy áríptestíktí nyǵaıtuǵa yqpal etedí dep senemín», – dedí ol.
ALT University dırektorlar keńesíníń tóraǵasy Arslan Seríktegí halyqaralyq apta ayasynda Ońtústík Koreyanyń bírqatar ūıymmen yntymaqtastyq turaly memorandumdarǵa qol qoyu josparlanǵanyn málímdedí.
Onyń aıtuynsha, būl kelísím bírlesken bílím beru baǵdarlamalaryn damytuǵa, ǵylymı zertteuler júrgízuge, akademıyalyq almasudy keńeıtuge jáne ozyq tehnologıya engízuge múmkíndík beredí.
ACT Creative Tech Week baǵdarlamasy tórt negízgí baǵytty qamtıdy: vızualdy storıtellıng pen vebtun jasau, kıno, anımatsıya jáne jarnama salasynda jasandy ıntellektíní qoldanu, óndírístí tsıfrlandyru jáne baǵdarlamalau daǵdysyn qajet etpeıtín qosymshalardy ázírleu.
Qatysushylar halyqaralyq kreatıvtí jáne tehnologıyalyq ındustrıyada keńínen qoldanylyp júrgen praktıkalyq qūraldarmen jáne ozyq tájírıbelermen tanysyp otyr.
Academy of Creative Technologies – ALT University janynan qūrylǵan halyqaralyq bílím beru platformasy. Ol jasandy ıntellekt, IT jáne kreatıvtí ındustrıyanyń toǵysyndaǵy jańa buyn mamandaryn dayarlauǵa baǵyttalǵan.