Almaty qalasy Almaly aýdanynyń polısıa qyzmetkerleri ınternet-platformalarda jalǵan habarlandyrýlar ornalastyrý arqyly azamattardy aldap kelgen 18 jastaǵy kúdiktini ustady, - dep habarlaıdy Aqshamnews.kz.
Tergeý málimetinshe, ol shyn máninde joq páterlerdi jalǵa berý týraly oıdan shyǵarylǵan usynystardy jarıalap, turǵyndardan aldyn ala tólem, keıbir jaǵdaılarda tipti tolyq jaldaý aqysyn da alǵan. Búginde polıseıler onyń zańǵa qaıshy áreketteriniń shamamen 30 epızodyn anyqtady. Qazirgi ýaqytta kúdiktiniń ózge de uqsas qylmystarǵa qatysy bar-joǵy tekserilip jatyr.
- Kúdikti jolǵa qoıylǵan sqema arqyly áreket etip, azamattardyń senimin teris paıdalanǵan. Biz jábirlenýshilerdiń tolyq sheńberin anyqtaý baǵytynda jedel is-sharalardy jalǵastyryp jatyrmyz. Qala turǵyndaryn onlaın mámileler jasaǵanda, ásirese páter jaldaýǵa qatysty kelisimderde asa muqıat bolýǵa shaqyramyz, – dedi Almaly aýdandyq polısıa basqarmasynyń bastyǵy Maqsat Pshan.