Almatyda 1988 jyly paıdalanýǵa berilgen qubyr jelisin jóndeýge baılanysty Abaı dańǵylynyń boıyndaǵy kólik qozǵalysy ýaqytsha shekteledi.
11 shilde kúngi saǵat 23:00-den bastap 12 shilde kúni saǵat 08:00-ge deıin Abaı dańǵyly boıymen batys baǵytta, naqtyraq aıtqanda, Nazarbaev dańǵylynan Abylaı han dańǵylyna deıingi aralyqta kólik qozǵalysy jartylaı shekteledi. Shyǵys baǵyttaǵy qozǵalysta ózgeris joq.
Ýaqytsha shekteýler jylýmen jabdyqtaý jelilerin aldaǵy jylytý maýsymyna daıyndaý aıasynda 1988 jyly paıdalanýǵa berilgen magıstraldyq qubyr jelisin jóndeý jumystarynyń qaýipsizdigin qamtamasyz etý maqsatynda engizilip otyr.
Esterińizge sala keteıik, kólik qozǵalysyn shekteý týraly barlyq aqparat Almaty.kz saıtynda, @AlmatyJoly Telegram arnasynda, aýdan ákimdikteri men basqarmalardyń áleýmettik jelilerinde, sondaı-aq. «2GIS» jáne «Iandeks kartalar» servısterinde jarıalanǵan.
Ýaqytsha qolaısyzdyqqa túsinistikpen qaraýlaryńyzdy suraımyz.