Memleket basshysynyń sporttyq ınfraqūrylymdy jáne būqaralyq sportty damytu jóníndegí tapsyrmalary ayasynda Almatyda halyqaralyq deńgeıdegí jańa futbol stadıonyn salu josparlanyp otyr. Jūmys sapary barysynda qala ákímí Darhan Satybaldy jobamen tanysty.
Jobalaushylardyń málímetínshe, stadıon 35 myń kórermenge eseptelíp, UEFA-nyń 4-sanat talaptaryna saı bolady. Jobada jattyǵu bazalary, jankúıerlerge arnalǵan demalys aımaqtary, zamanauı qauípsízdík júıesí jáne írgeles aumaqty abattandyru qarastyrylǵan.
Almaty ákímí jobany íske asyru qalalyq ınfraqūrylymdy damytuda mańyzdy qadam ekenín atap óttí. Halqy 2 mıllıonnan asatyn elímízdíń eń írí megapolısí ósíp keledí, tūrǵyndardyń, ásírese jastar men studentterdíń sport pen salauatty ómír saltyna qyzyǵushylyǵy kúnnen-kúnge artyp otyr. Osy oraıda halyqaralyq deńgeıdegí zamanauı arenanyń saludyń mańyzy erekshe.
«Ózderíńíz bílesízder, Prezıdenttíń tapsyrmasy boıynsha jūmysty jedeldetuímíz qajet. Keler jyly qūrylys-montaj jūmystaryn bastau kerek. Bolashaqta būl jerde metro beketín jáne Almatynyń logıstıkalyq habyn salu josparlanǵan», – dedí qala ákímí Darhan Satybaldy.
Jańa stadıondy Qūlja tas joly men Talǵar tas jolynyń arasynda salu josparlanǵan. Joba júzege asatyn aumaqtyń kólemí shamamen 15 gektar. Būl jer qalanyń mańyzdy kólík-logıstıkalyq torabyna aınalyp, arenany qalalyq ınfraqūrylymǵa tıímdí kíríktíruge múmkíndík beredí. Mūndaı sheshím kórermender men qonaqtarǵa yńǵaıly boluy úshín írí sport nysandaryn kólík habtarynyń mańyna ornalastyru jóníndegí álemdík tájírıbege saı keledí.
Jobany tanystyru kezínde qala ákímí kólík qoljetímdílígín qamtamasyz etu, avtotūraq oryndaryn ūıymdastyru jáne nysandy qalalyq ortaǵa qosu máselelerín pysyqtaudy tapsyrdy. Sondaı-aq, Darhan Satybaldy 65 jyldan astam būryn salynǵan Ortalyq stadıon saqtalyp, jeńíl atletıka ınfraqūrylymy eskeríle otyryp jańǵyrtylatynyn, árí qaraı da Almatydaǵy sport tarıhynyń bír parasy bolyp qala beretínín aıtty.