Almaty ákímíníń orynbasary Beıbít Shahanov jūmys sapary ayasynda 11,7 myń orynǵa eseptelgen 8 mekteptíń qūrylysy men jabdyqtalu barysyn tekserdí.
Zamanauı jabdyqtarmen qamtamasyz etílgen árí oqushylarǵa qolaıly keńístígí bar jańa ǵımarattar Prezıdent bastamasymen íske asyrylyp jatqan «Keleshek mektepterí» ūlttyq jobasy ayasynda qalanyń qarqyndy damyp jatqan shaǵynaudandarynda salynyp jatyr.
«Nysandardyń basym bólígínde jūmys ayaqtalyp keledí – íshkí árleu, jıhaz jáne tehnıka ornatu, sondaı-aq aumaqty kóríktendíru bítuge jaqyn. Alaıda Túrksíb audanyndaǵy ekí nysandaǵy jūmystar merzímnen keshígíp jatyr. Sondyqtan jūmysty jyldamdatu úshín baqylaudy kúsheıtíp, qosymsha resurs jūmyldyrudy sūraımyn. Bıyl jyl sońyna deıín barlyq jūmysty tolyq ayaqtauymyz qajet», – dedí Beıbít Shahanov.
Sonymen qatar qala ákímíníń orynbasary qūrylys kompanıyalarynyń nazaryn mektepterdíń aınalasyn qosymsha kógaldandyru jáne avtotūraq oryndaryn ūıymdastyru qajettígíne audardy.
Aıta keteıík, bıyl Almatyda ūlttyq joba ayasynda, Ákímdík janyndaǵy jobalyq keńse qoldauymen jalpy 22 500 oqushyǵa arnalǵan 12 mekteptíń qūrylysy ayaqtaldy.