2026 jyldan bastap Almatyda 11 áleumettík mańyzy bar auru boıynsha dıagnostıka, baqylau men emdeu saqtandyrylǵan mártebesíne qaramastan tūrǵyndardyń barlyǵyna qoljetímdí bolady.
Óńírlík kommunıkatsıyalar qyzmetínde Almaty qalasy Qoǵamdyq densaulyq saqtau basqarmasy basshysynyń orynbasary Láılá Imanǵalıeva osylaı dedí.
Spıkerdíń aıtuynsha, áleumettík mańyzy bar aurulardyń tízímíne tuberkulez, AITV-ınfektsıyasy, qaterlí ísíkter, sozylmaly vırusty gepatıtter men bauyr tsırrozy, psıhıkalyq jáne mínez-qūlyqtaǵy auytqular, orfandyq aurular, epılepsıya, ınsult pen jedel mıokard ınfarktí, sondaı-aq júıke júıesíne qatysty bíraz auru kíríptí.
«Mańyzdy ózgerístíń bírí áleumettík mańyzy bar auruǵa shaldyqqan jaǵdaıda nauqastyń saqtandyrylǵan mártebesíne qaramastan qajettí dıagnostıkalyq tekseru taǵaıyndalady. Būǵan deıín mūndaı múmkíndík tuberkulez nemese AITV-ınfektsıyasyn jūqtyrdy degen kúdík bolǵan kezde ǵana qarastyrylǵan edí», – dedí Láılá Imanǵalıeva.
Ol 2025 jyly qyrkúıekten bastap Almatynyń barlyq tūrǵyny onkologıyalyq aurulardy erte anyqtau maqsatynda skrınıngtík tekserísten tegín ótetínín de eske saldy. Būryn mūndaı múmkíndíkke saqtandyrylǵan azamattardyń ǵana qoly jetetín. Sonymen qatar, 2026 jyldan bastap MÁMS paketí de keńeıtíledí. Oǵan dıspanserlík esepte tūrǵan sozylmaly aurulary bar nauqastar, onyń íshínde qant dıabetí, arterıyalyq gıpertenzıya, júrektíń ıshemıyalyq auruy, búırek, tynys alu aǵzalary, tírek-qımyl júıesí aurulary men basqa da dertpen auyratyn azamattar engízíledí.
«Būl patsıentterge dárí-dármekpen qamtylyp, ambulatorıyalyq jáne statsıonarlyq jaǵdaıda emníń barlyq qajettí túrín, onyń íshínde qymbat preparattar aluyna múmkíndík beredí», – dedí Láılá Imanǵalıeva.