Áýezov aýdanynda "Ýchaske" jedel-profılaktıkalyq is-sharasy aıasynda kópqabatty turǵyn úı keshenin aralaý barysynda polısıa qyzmetkerleri zerthanaǵa aınaldyrylǵan páterdi anyqtady, - dep habarlaıdy aqshamnews.kz.
Polisia.kz málimetinshe, páter ishinde ósirýge tyıym salynǵan, quramynda esirtki zattary bar ósimdikter tabyldy. Oqıǵa ornynda qajetti bastapqy prosesýaldyq sharalar júrgizildi. Atalǵan derek boıynsha qylmystyq is qozǵaldy. Qazirgi ýaqytta keshendi tergeý sharalary júrgizilip, zańsyz áreketti uıymdastyrýǵa qatysy bar tulǵalar men mán-jaılar anyqtalýda.
– "Ýchaske" is-sharasynyń maqsaty tek halyqpen baılanysty nyǵaıtý emes, turǵyn úılerdiń ózinde jasyryn túrde oryn alýy múmkin quqyq buzýshylyqtardy anyqtaý. Bul jaǵdaı júıeli jumystyń naqty nátıjesin kórsetedi. Esirtkige qatysty kez kelgen zańsyz áreket – qoǵam úshin qaýip, sondyqtan zań aıasynda eń qatań sharalar qabyldaýdy jalǵastyramyz. Aýdan turǵyndaryn kúmándi jaıttardy der kezinde habarlap, úılerimiz ben aýlamyzdyń qaýipsizdigin birge qamtamasyz etýge shaqyramyz, – dep atap ótti Áýezov aýdandyq polısıa basqarmasynyń bastyǵy Danıar Mendebaev.