Almaty Óńírlík kommunıkatsıyalar qyzmetíníń alańynda18 mausymda QR Mádenıet jáne sport vıtse-mınıstrí Nūrqısa Dáueshov boldy. Ol "Sálem, Elorda!” II respublıkalyq óner sheruí turaly aıtty.
Mádenı shara Qazaqstan Respublıkasy Táuelsízdígíníń 30 jyldyǵyna oraı, sondaı-aq qazaqtyń ūly aqyny Jambyl Jabaevtyń 175 jyldyǵy men basqa da mańyzdy mereıtoılyq kúnderge arnaldy. Almatyda sheru 22-24 mausym aralyǵynda ótedí.
"Óner sheruí ár óńírdíń mádenıet salasyndaǵy jetístíkterín nasıhattauǵa múmkíndík beredí, sondaı-aq elímízdíń úzdík oryndaushylaryna qoldau kórsetedí. Sonymen qatar joba "Ruhanı jańǵyru" baǵdarlamasy ayasynda mádenı qūndylyqtarymyzdy dárípteuge baǵyttalǵan", – dedí vıtse-mınıstr.
N. Dáueshovtíń aıtuynsha, bıyl "Sálem, Elorda!" sheruí respublıkamyzdyń tórt óńírínde – ońtústíkte, soltústíkte, batys pen shyǵysta ótedí. Joba osy jyldyń sońyna qaraı Nūr-Sūltan qalasynda Táuelsízdíktíń 30 jyldyǵyna arnalǵan gala-kontsertpen ayaqtalady.
"22-24 mausym aralyǵynda “Sálem, Elorda!" sheruí Almaty oblysy men Almaty qalasynda ótedí. Ís-shara 22 mausymda Almaty oblysy Jambyl audanyndaǵy aqyn Jambyl Jabaev eskertkíshíne gúl shoqtaryn qoyu rásímínen bastalady. Barshańyzdy óner sheruíníń úsh kúndík ís-sharalaryna qatysuǵa jáne bízben bírge boluǵa shaqyramyn", – dedí N. Dáueshov.
Onlaın-brıfıngke jobanyń basqa da ūıymdastyrushylary qatysty. Olardyń arasynda "Qazaqkontsert" dırektory Jeńís Seıdollaūly da bar.
Onyń aıtuynsha, jobanyń basqa art-oqıǵalardan aıyrmashylyǵy ár óńírdíń ártísteríne erekshe kóńíl bólínedí. “Sálem, Elorda!" kontserttík baǵdarlamasynda qoıylymdar ǵana emes, sondaı-aq oblystyq fılarmonıya men mádenı ūıym qyzmetkerlerí úshín sheberlík synyptary ótedí.