Búgin tańerteń Almaty qalasy Medeý aýdanynda, teńiz deńgeıinen 3630 metr bıiktikte ornalasqan Myńjylqy shyńynda TJM qutqarýshylary zardap shekken álpınısi evakýasıalady, - dep habarlaıdy Aqshamnews.kz.
QR Tótenshe jaǵdaılar mınıstrligi baspasóz qyzmetiniń habarlaýynsha, 23-shi ámbebap qutqarý bólimshesine álpınızm nusqaýshysynan 59 jastaǵy er adam aıaǵyn jaraqattap alǵany jáne bıik taýly jerlerden ózdiginen júre almaı jatqandyǵy týraly habarlama kelip tústi.
Oqıǵa ornyna shuǵyl kómek kórsetý úshin 23-shi ámbebap bólimsheniń qutqarýshylar ekıpajy, sondaı-aq Apattar medısınasy ortalyǵynyń reanımobıli jedel túrde jiberildi. Qutqarýshylar qysqa merzim ishinde Myńjylqy shyńyna jetip, zardap shekken adamǵa alǵashqy medısınalyq kómek kórsetip, ony evakýasıalady.
- Apattar medısınasy ortalyǵynyń reanımobıli táýlik boıy jumys isteıdi jáne Shymbulaq taý shańǵysy kýrortynyń janynda kezekshilik etedi, - delingen habarlamada.