2026 jyly Almaty sportshylary eń úlken halyqaralyq jarystarǵa, sonyń ishinde XXV Qysqy Olımpıada oıyndary men Jazǵy Azıa oıyndaryna daıyndyqty bastap ketti. Óńirlik komýnıkasıalar qyzmetinde Almaty qalasy Sport basqarmasynyń basshysy Darhan Nurhanuly osylaı dedi.
«Almatyda qazir 6–22 aqpan aralyǵynda Italıada ótetin Qysqy Olımpıada oıyndaryna qatysýǵa 6 lısenzıa bar», – deıdi qala basqarma basshysy.
Lısenzıa ıelengen sportshylar qatarynda:
- Mıhaıl Shaıdorov (mánerlep syrǵanaý),
- Evgenıı Koshkın (kónkı sporty),
- Aleksandra Skorohodova men Rostıslav Hohlov (taý shańǵysy sporty) bar.
Sonymen qatar shańǵymen tramplınnen sekirýden Ilá Mızernyh pen Danıl Vasılev taǵy 6 lısenzıaǵa úmitker. Resmı rastaý 22 qańtarda shyǵady.
19 qyrkúıek pen 4 qazan aralyǵynda Japonıada (Aıtı prefektýrasy, Nagoıa qalasy) Jazǵy Azıa oıyndary ótpek.
«Qazirgi tańda Qazaqstan ulttyq quramasy jeke oqý-jattyǵý josparlary boıynsha daıyndyq júrgizip jatyr. Almaty qalasynan 23 sport túri boıynsha 79 sportshy qatysatyny josparlanyp otyr», – deıdi spıker.
Oqý-jattyǵý jaǵy Eýropa, Azıa elderi men AQSH-ta ótip jatyr.
Komandanyń basty maqsaty – aldyńǵy Azıa oıyndaryndaǵy nátıjeden de asyp túsý. Bul jarystarǵa qatysý sportshylar úshin 2028 jyly Los-Andjeleste ótetin Jazǵy Olımpıada oıyndaryna daıyndyqtyń mańyzdy kezeńi bolyp, qajetti halyqaralyq tájirıbe jınaýǵa múmkindik beredi.
«Sportshylarymyzdyń daıyndyǵyn joǵary deńgeıde ustap, halyqaralyq arenadaǵy pozısıalarymyzdy nyǵaıtý sıaqty bizdiń aldymyzda úlken mindet tur», – dep túıindedi Almaty qalasy Sport basqarmasynyń basshysy.