Almaty qalasy Mádenıet basqarmasyna qarasty Qazaq memlekettik sırkiniń jas talantty ónerpazy, sırk áýletiniń jalǵastyrýshysy, J.Elebekov atyndaǵy RESK stýdenti, 16 jastaǵy Álı Salavatov Reseıdiń Týla qalasynda ótken «Na ıazyke mıra» V Halyqaralyq balalar men jastar sırk óneri festıvalinde qola júlde aldy.
Atalǵan festıvál álemniń túkpir-túkpirinen jınalǵan jas artıserdiń sheberligin kórsetetin mańyzdy halyqaralyq alań. İs-sharaǵa jonglerler, akrobattar, saıqymazaqtar, ekvılıbrıser jáne sırk óneriniń basqa da baǵyttary boıynsha kóptegen elden daryndy qatysýshylar jınaldy. Bıylǵy festıvál manejde 200-den astam jas ónerpazdy biriktirdi.
Álıdiń «Edenge soqpaly doptarmen jonglórlik óner» atty kórkem nómiri qazylar alqasy men kórermenderdi erekshe sheberligimen, oryndaý dáldigimen jáne jarqyn energıasymen baýrap aldy. Festıváldegi joǵary básekelestik deńgeıi bul jetistiktiń qundylyǵyn odan ári arttyryp, jas artısiń talantyn aıqyn kórsetti.
«Men úshin bul jeńis – jańa múmkindikterge jol ashqan erekshe sát. Qoldaǵan ustazdaryma, uıymdastyrýshylarǵa jáne jankúıerlerge shyn júrekten alǵys aıtamyn. Aldaǵy ýaqytta budan da bıik asýlardy baǵyndyrýǵa umtylamyn», - dedi jas artıs.