Búgínde Federatsıya qūramynda 89 el men óńírden 269 qatysushy bar, dep habarlaıdy aqshamnews.kz tílshísí.
2026 jyly 8-11 qyrkúıek aralyǵynda Almaty Pekınde ótetín Turızm salasyndaǵy yntymaqtastyq pen damu jóníndegí dúnıejúzílík konferentsıyaǵa (World Conference on Tourism Cooperation and Development) qatysady. Halyqaralyq ís-shara Shougang Park aumaǵynda Qyzmetter saudasynyń halyqaralyq kórmesí (China International Fair for Trade in Services, CIFTIS) ayasyndaǵy ískerlík baǵdarlama sheńberínde ūıymdastyrylady. Būl turaly Almaty qalasynyń Turızm basqarmasynyń ókílderí habarlady.
Konferentsıyaǵa álemníń túrlí elderínen turızm salasyndaǵy memlekettík organdardyń ókílderí, halyqaralyq ūıymdar, bıznes ókílderí men sarapshylar qatysady. Halyqaralyq kún tártíbínde qalalyq turızmdí damytu, yntymaqtastyqtyń jańa úlgílerí, turıstík ekonomıka jáne qalalardy jahandyq turıstík ortalyqtarǵa aınaldyru máselelerí talqylanady.
Ís-sharanyń negízgí bólíkteríníń bírí – turıstík qalalardyń damu úrdísterí men múmkíndíkteríne arnalǵan World Tourism Cities Development Report (2025-2026) halyqaralyq bayandamasynyń tanystyrylymy.
Megapolısten tau shyńdaryna deıín – bírtūtas turıstík baǵyt
Halyqaralyq alańda Almaty zamanauı megapolıstíń múmkíndíkterí men tauly aımaqtardyń tabıǵı áleuetín bír arnaǵa toǵystyratyn turıstík ónímín tanystyrady.
Qala mádenıet, gastronomıya, tarıh, oqıǵaly turızm men zamanauı ınfraqūrylymdy ūsyna otyryp, qysqa uaqyt íshínde tauǵa shyǵuǵa, tabıǵı baǵyttarmen sayahattauǵa nemese tau kurorttaryna baruǵa múmkíndík beredí. Qalalyq jáne tabıǵı turızmdí osylaısha ūshtastyru – Almatynyń halyqaralyq turıstík naryqtaǵy basty artyqshylyqtarynyń bírí.
«Almaty halyqaralyq turıstík baǵyt retíndegí pozıtsıyasyn júıelí túrde nyǵaıtyp keledí. Beıjíńdegí WTCF konferentsıyasyna qatysu qalany kásíbı turıstík ortaǵa tanystyryp, halyqaralyq seríktestíktí keńeıtuge múmkíndík beredí. Bíz úshín Qytaı naryǵynyń mańyzy erekshe. Qytaı – sheteldegí basym baǵyttardyń bírí. Sondyqtan qytaılyq turıstík kompanıyalarmen, ūıymdarmen jáne qalalarmen tíkeleı baılanys ornatu Almatyǵa keletín turıster sanyn odan árí arttyru jáne qalany ílgeríletu úshín mańyzdy», – dep atap óttí Almaty qalasynyń Turızm basqarmasynyń ókílderí.
89 el men óńírden 269 qatysushy
Almaty – turıstík qalalar men turızm salasynyń ókílderín bíríktíretín halyqaralyq platforma – World Tourism Cities Federation (WTCF) múshesí. Búgínde Federatsıya qūramynda 89 el men óńírden 269 qatysushy bar.
Almatynyń WTCF-pen yntymaqtastyǵy bírneshe jyldan berí jalǵasyp keledí. 2024 jyly qala CIFTIS ayasynda turıstík múmkíndíkterín tanystyru úshín jeke alań alǵan Federatsıyanyń 10 múshesíníń qataryna endí.
2025 jyly Almaty WTCF ūıymdastyrǵan «See a Different World» halyqaralyq sessıyasynda ózíníń turıstík áleuetín tanystyryp, kásíbı audıtorıya arasynda qalany ílgeríletu jūmysyn jalǵastyrdy.
Basty nazar – Qytaı naryǵynda
Beıjíńdegí konferentsıya Almaty men Qytaı arasyndaǵy turıstík baılanysty odan árí damytuǵa múmkíndík beretín alańǵa aınalady. Ís-shara barysynda qala qytaılyq turıstík bıznes ókílderímen baılanys ornatuǵa, jańa seríktester ízdeuge jáne Almatyny Ortalyq Azıyadaǵy sayahatqa qolaıly baǵyt retínde ílgeríletuge basymdyq beredí.
WTCF-ke qatysu Almatynyń halyqaralyq deńgeıdegí júıelí jūmysyn jalǵastyryp, Qytaı naryǵynda qalanyń tanymaldyǵyn arttyruǵa jáne Almatyǵa keletín turıster sanyn kóbeıtuge jol ashady.