Departamentpen memlekettik organdar qyzmetshileriniń jumys ýaqyty rejımin saqtaýy boıynsha turaqty túrde monıtorıń júrgiziledi. Qala boıynsha 71 memlekettik organnyń tek 39-da QEBJ (JAO-13, AO-26) ornatylǵan, bul rette "E - qyzmet" júıesimen ıntegrasıalanǵan-11 (JAO-3, AO-8). QEBJ júıesimen tolyq jabdyqtaýdy qamtamasyz etýdegi qıyndyqtar qarjylyq máselelerden týyndaıdy.
Agenttik Tóraǵasynyń 2023 jylǵy 29 mamyrdaǵy № 121 buıryǵymen bekitilgen "Memlekettik organdardyń jumys ýaqyty rejımin saqtaýyna monıtorıń júrgizý qaǵıdalarynyń" talaptary negizinde Departamentpen tıisti is-sharalar júrgiziledi.
2025 jylǵa bekitilgen josparǵa sáıkes qalanyń 19 memlekettik organynda monıtorıń júrgizildi.
Nátıjeleri boıynsha Departament mamandary tıisti aktiler jasaǵan 48 memlekettik qyzmetshiniń jumystan tys ýaqytta bolý faktileri anyqtaldy. Barlyq memlekettik qyzmetshilerdiń quqyqtary qosymsha demalys ýaqytyn berý arqyly qalpyna keltirildi (barlyǵy 63 saǵat 10 mınýt).
Sondaı-aq, qashyqtyqtan monıtorıń júrgizý arqyly 44 memlekettik qyzmetshiniń jumys ýaqyty saqtalmaǵany anyqtaldy. Barlyq memlekettik qyzmetshilerdiń quqyqtary demalys ýaqytyn berý arqyly qalpyna keltirildi (barlyǵy 113 saǵat 42 mınýt).
Azamattardyń ótinishteri boıynsha 3 jospardan tys tekserý júrgizildi, olardyń nátıjeleri boıynsha 5 qyzmetker jumys ýaqyty rejımin saqtamaǵany anyqtaldy.
Memlekettik qyzmetshilerdiń quqyqtary demalys saǵattaryn (20 saǵat 52 mınýt) berý jáne memlekettik organdar basshylarynyń ákimshilik jaýapkershiligin qaraý arqyly qalpyna keltirildi.
Aıta ketý kerek, Departament júrgizip jatqan jumystardyń nátıjesinde jumys ýaqytyn buzý sany 150 memlekettik qyzmetshiden 82-ge deıin, al artyq jumys saǵattary 565 saǵattan 130 saǵatqa deıin azaıdy.
Memlekettik qyzmetshilerdi jumystan tys ýaqytta jumysqa tartý faktileriniń aldyn alý maqsatynda Departamentpen memlekettik organdardyń kadr qyzmeti qyzmetkerlerimen jáne Ádep jónindegi ýákildermen turaqty negizde túsindirý is-sharalary júrgiziledi.
Sondaı-aq, ekinshi jartyjyldyqqa barý arqyly monıtorıń jospary bekitildi, onda 18 memlekettik organdy qamtý josparlanýda.
Atalǵan baǵytta jumys jalǵasatyn bolady.