Almaty qalasynda «AMANAT» partıyasynyń «QAISAR» partıyalyq jobasy ayasynda «Sarbaz bolǵym keledí» atty áskerı-patrıottyq aktsıya óttí, – dep habarlaıdy aqshamnews.kz tílshísí.
Ís-shara Otan qorǵaushylar kúní men Jeńís kúníne oraı ūıymdastyrylyp, oǵan 100-ge juyq qatysushy – jastar, ardagerler men qoǵamdyq ūıymdar ókílderí qatysty.
Aktsıyanyń negízgí maqsaty – jastar arasynda patrıottyq qūndylyqtardy nyǵaıtu, áskerı qyzmettíń bedelín arttyru jáne Ūly Otan soǵysy ardagerleríníń erlígín ūlyqtau.
Ís-shara baǵdarlamasy bírneshe mazmūndy bólímnen tūrdy. Alǵashqy bólímde qatysushylar Jauyngerlík Dańq mūrajaıyna ekskursıya jasap, tarıhı jádígerlermen tanysty.
Ekínshí bólímde jastar qoǵam jáne memleket qaıratkerlerímen, sondaı-aq Generaldar keńesí men Ofıtserler odaǵynyń ókílderímen kezdestí. Kezdesu barysynda spıkerler óz tájírıbelerímen bólísíp, ūrpaqtar sabaqtastyǵynyń mańyzdylyǵyn atap óttí.
Kezdesude sóz sóılegen «AMANAT» partıyasy Almaty qalalyq fılıalynyń tóraǵasy Stanıslav Kankurov:
«Būl – beıbít ómírdíń qadírín ūǵyndyratyn, ata-babalarymyzdyń erlígín ūlyqtaıtyn erekshe kúnder. Búgíngí Otan qorǵaushylar – sol erlíktíń laıyqty jalǵastyrushylary. Bíz ūrpaqtar sabaqtastyǵyn saqtap, jastardy patrıottyq ruhta tárbıeleuge míndettímíz», – dep atap óttí.
Sondaı-aq ol partıyanyń «Ardagerlerdí ardaqtaıyq» jobasy ayasynda júıelí túrde naqty jūmystar atqarylyp jatqanyn atap óttí. Atap aıtqanda, jyl saıyn Jeńís kúní qarsańynda jáne Qarttar aılyǵy kezeńínde 1000-nan astam ardager men tyl eńbekkeríne azyq-túlík sebetterí men estelík syılyqtar tabystalady. Sonymen qatar, «Jastar Ruhy» jastar qanatynyń belsendílerí ardagerlerdíń aulalaryn abattandyru jáne tazalyq jūmystaryn júrgízuge tūraqty túrde kómektesedí. Būl jūmystar ardagerler keńesí jáne belsendí ūzaq ómír súru ortalyqtarymen tyǵyz baılanysta tūraqty negízde júzege asyryluda.
Ís-shara sońynda qatysushylar Máńgílík alauǵa gúl shoqtaryn qoıyp, maıdanda qaza tapqan batyrlardy bír mınut únsízdíkpen eske aldy.
«Sarbaz bolǵym keledí» aktsıyasy ūrpaqtar arasyndaǵy baılanysty nyǵaıtuǵa, azamattyq jauapkershílíktí qalyptastyruǵa jáne jastardyń patrıottyq sanasyn arttyruǵa baǵyttalǵan mańyzdy alańǵa aınaldy.