Almaty qalasy ákimdiginde A.Núkenovtiń tóraǵalyǵymen balalar men jasóspirimderdiń qaýipsizdigin qamtamasyz etý jóninde vedomstvoaralyq keńes ótti.
Jumysqa aýdan ákimderiniń ıdeologıalyq jumys jónindegi orynbasarlary, salalyq basqarmalardyń basshylary, vedimistik baǵynysty uıymdardyń jáne Almaty qalasy polısıa Departamentiniń qyzmetkerleri qatysty. Kezdesý barysynda vedomstvoaralyq ózara árekettestik, balalardyń qaýipsizdik jaǵdaıyn baqylaý, tótenshe jaǵdaılarǵa jedel áreket etý, keshendi qoldaý jáne qyzmet kórsetý máseleleri talqylandy. Ásirese, psıhologıalyq qyzmetterdiń jumysyn jetildirýge, ata-analarmen arnaıy baǵyttalǵan jumys júrgizýge, ádistemelik materıaldar ázirleýge jáne profıldi mamandardyń biliktiligin arttyrýǵa basa nazar aýdaryldy.
Sonymen qatar, qaýip-qaterlerdi erte anyqtaý júıesin qurý mehanızmderi, jaǵdaıdy baqylaý men qabyldanǵan sharalardyń tıimdiligin baǵalaý úshin sıfrlyq jáne analıtıkalyq quraldardy engizý máseleleri qaraldy.
Keńes qorytyndysy boıynsha tıisti basqarmalar men aýdan ákimdikterine balalar men jasóspirimderdiń quqyǵy men zańdy múddesin qorǵaý, keshendi qoldaý uıymdastyrý jáne profılaktıkalyq sharalardy kúsheıtý boıynsha naqty tapsyrmalar berildi.