Almaty halyqaralyq áuejaıy saparlar kestesínde ózgeríster bolatynyn málímdedí.
Būl ózgerís Astana qalasy aumaǵynda áue keńístígín paıdalanu boıynsha engízíletín uaqytsha shekteulerge baılanysty, dep habarlaıdy aqshamnews.kz.
Qazaqstan Respublıkasy Qorǵanys mınıstrlígíníń resmı aqparatyna sáıkes, 2025 jylǵy 22 sáuír men 7 mamyr aralyǵynda saǵat 10:00-den 13:00-ge deıín áskerı sheruge daıyndyq jáne ony ótkízu maqsatynda Astana qalasynyń áue keńístígí uaqytsha jabylady. Osyǵan baılanysty Almatydan Astanaǵa jáne kerí baǵyttaǵy saparlar kestesínde uaqytsha ózgeríster bolady.
– Jolaushylardan atalǵan shekteulerdí óz saparlaryn josparlau barysynda eskerudí sūraımyz. Reısterí ózgergen jolaushylarǵa áuekompanıyalar brondau kezínde kórsetílgen baılanys derekterí arqyly qosymsha habarlaıdy, - dep atap óttí áuejaıdyń baspasóz qyzmetí.
Saparlar turaly ózektí aqparatty áue kompanıyalar men áuejaıdyń anyqtama qyzmetínen aldyn ala naqtylauǵa bolady.
Baılanys nómírlerí:
Almaty halyqaralyq áuejaıynyń anyqtama qyzmetí:+7 (727) 270 33 33,+7 (727) 270 48 49
Air Astana:+7 (727) 244 44 77,WhatsApp: +7 702 702 00 74
FlyArystan: +7 (727) 331 10 10,WhatsApp: +7 702 702 02 27
SCAT Airlines: +7 (7252) 99 88 80
Qazaq Air:+7 (727) 356 14 14
https://kaz.inform.kz/news/askeri-sheruge-baylanisti-almati-men-astana-bagitindagi-ushak-reysternn-kestes-ozgered-4caebd/