Tabıǵatty baqylau jūmystary kezínde mamandar jyrtqysh qūstyń ómírínen erekshe sáttí beınekameraǵa túsíríp aldy, dep habarlaıdy aqshamnews.kz tílshísí.
Almaty memlekettík tabıǵı qoryǵynda ornatylǵan fototūzaqqa búrkít túsíp qaldy. Qoryq qyzmetkerlerí Qazaqstandaǵy eń írí árí kúshtí jyrtqysh qūstardyń bírí – búrkíttíń jaqynnan túsírílgen sırek kadrlaryn jarıyalady.
«Búrkít – jyrtqysh qūstardyń íshíndegí eń aıbarlylarynyń bírí. Ol qyraǵy kózímen, quatty tyrnaqtarymen jáne erekshe ańshylyq qabíletímen erekshelenedí», – delíngen Orman sharuashylyǵy jáne januarlar dúnıesí komıtetíníń habarlamasynda.
Jasyryn fotokameralar qoryq ınspektorlary men ǵalymdarǵa sırek kezdesetín januarlardy tabıǵı ortasynda, olardyń tynyshtyǵyn būzbaı baqylauǵa múmkíndík beredí.