Almaty 4-6 qarasha aralyǵynda ExCeL London keshenínde ótken World Travel Market (WTM) London 2025 halyqaralyq turıstík kórmesínde Qazaqstannyń turıstík áleuetín tanystyrdy, dep habarlaıdy aqshamnews.kz
Būl turızm ındustrıyasyndaǵy eń írí oqıǵalardyń bírí, onda jyl saıyn túrlí el men kompanıya ókílderí bas qosady.
Almatynyń kórmege qatysuy qalany Ortalyq Azıyanyń zamanauı, qauípsíz árí shabyt beretín turıstík baǵyty retínde tanytuǵa baǵyttaldy. Qala ózín Íle Alatau tau sílemderíne bastaıtyn qaqpa ǵana emes, mádenıet, gastronomıya jáne oqıǵalyq turızm ortalyǵy retínde kórsetudí kózdeıdí.
2025 jyly Almatyǵa qyzyǵushylyq arta tústí: alǵashqy alty aıda qalaǵa 1,14 mıllıonnan astam turıst kelgen. Onyń íshínde 320 myńnan kóbí – sheteldík qonaqtar. Ásírese, Ūlybrıtanıyadan kelushíler sany 16%-dan astam óstí.
«WTM London – Almatyny álemge jańa qyrynan shyǵys dástúrí men megapolıs yrǵaǵy toǵysqan qala retínde tanystyruǵa múmkíndík beredí. Bíz Almatynyń jylylyq, tabıǵat jáne shabyt sımvolyna aınalǵanyn qalaımyz», – dedí qalanyń Turızm basqarmasy.
Almatynyń kórme stendínde qonaqtar qala mádenıetí men ruhyn sezíndí: dombyra men qobyzdyń áuení shyrqalyp, qazaq batyrlary óner kórsettí, qonaqtar qazy, bauyrsaq, jent jáne qymyz sıyaqty ūlttyq taǵamdardyń dámín tatty.
Sonymen qatar kórme halyqaralyq turoperatorlarmen, áue kompanıyalarmen jáne medıa ókílderímen jańa ískerlík baılanys ornatuǵa arnalǵan alań boldy. Ásírese, tūraqty turızmge jáne MICE-turızmge (ískerlík ís-sharalar turızmí) damytuǵa, sondaı-aq Almatyny sayahatshylar úshín barynsha jaıly etetín ınfraqūrylymdyq jobalarǵa basa nazar audaryldy.