Almatyda jastardyń adaldyq mádenıetín qalyptastyruǵa baǵyttalǵan mańyzdy shara óttí. «Adal Ūrpaq» jobasy ayasyndaǵy «Bíz sybaılas jemqorlyqqa qarsymyz» baıqauynyń jeńímpazdary marapattalyp, jas qatysushylar ózderíníń azamattyq ūstanymyn shyǵarmashylyq jūmys arqyly tanytty. Qoǵamda adaldyq pen jauapkershílík qūndylyqtaryn nyǵaıtudy maqsat etken būl joba bıyl da jastardyń qyzyǵushylyǵyn arttyra tústí.
«Adal Ūrpaq» áleumettík jobasyn «Aqparattyq-resurstyq ortalyq» qoǵamdyq qory Almaty qalasy Jastar sayasaty basqarmasynyń qoldauymen júzege asyryp keledí. Joba jastardy tek adaldyqqa tárbıeleumen qatar, sybaılas jemqorlyqqa qarsy mádenıettí qalyptastyrudy kózdeıdí.
Bıylǵy baıqauda qatysushylar esse jáne beınerolık formatynda jemqorlyqtyń qoǵamǵa zıyany, adaldyqtyń mańyzy turaly óz kózqarasyn ūsyndy. Jeńímpazdar men belsendíler saltanatty rásímde marapattaldy.
«Adal Ūrpaq» jobasy – Prezıdenttíń zań men tártíp ıdeologıyasyn qoldauǵa baǵyttalǵan mańyzdy bastama. Adal azamat – aldymen óz ísíne jauapty, sózí men ísí sáıkes keletín adam. Búgín marapattalǵan jastar osy baǵyttaǵy óz kózqarasyn naqty jetkíze bíldí», – dedí Almaty qalasy Jastar sayasaty basqarmasynyń basshysy Kajdenbek Azız.
Ūıymdastyrushylardyń aıtuynsha, joba ayasyndaǵy ís-sharalar jastar arasynda adaldyq, ádíldík jáne azamattyq jauapkershílík qūndylyqtaryn nyǵaıtyp, qoǵamnyń damuyna úles qosatyn jańa buyndy qalyptastyruǵa serpín beredí.