Bıyl «Almaty jastary» baǵdarlamasy aıasynda www.almaty-zhastary2025.kz saıty arqyly qatysýshylardan 6 626 ótinim qabyldandy. Qazirgi ýaqytta 3 040 joldama berilip, olardyń ishinde 2 168 almatylyq jeńildetilgen nesıe alyp, baspana satyp aldy. Jumysshy jastarǵa arnalǵan jaldamaly turǵyn úı baǵdarlamasy jalǵasyp jatyr. Bul týraly Almaty qalasynyń komýnaldyq ınfraqurylym jáne turǵyn úı ınspeksıasy basqarmasy ókilderi aıtty.
Bıyl jeńildik sanatyndaǵy 48 kezekte turǵan azamatqa bastapqy jarnanyń bir bóligin óteýge arnalǵan turǵyn úı sertıfıkattary tegin negizde berildi. Jalpy soma – 72 mln teńge.
Almatyda sondaı-aq, jaldamaly turǵyn úıdi sýbsıdıalaý baǵdarlamasy jumys isteıdi. Bul baǵdarlama aıasynda erekshe qajettiligi bar adamdar, kópbalaly otbasylar jáne jetim balalar sanatyndaǵy kezektegilerge jaldaý aqysynyń 50%-y kóleminde sýbsıdıa beriledi. Baǵdarlamanyń operatory – «Otbasy bank» AQ, ótinim onlaın qabyldanady. Sýbsıdıa alatyn 639 jalǵa alýshynyń páteri tekserildi.