Almaty haıuanattar baǵynda bírden totyqūstyń ekí túrí balapan basty.
Keıíngí jyldary alǵash ret haıuanattar baǵynda ala rozella totyqūstarynan balapan alyndy. Mamyr aıynda osy jūp bes balapan basyp shyǵardy. Būl haıuanattar baǵy úshín aıtuly oqıǵa. Ol qūstarǵa qolaıly kútím, dūrys azyqtandyru jáne kóbeyuíne qajettí jaǵdaıdyń jasalǵanyn kórsetedí.
Taǵy bír quanyshty jańalyq – kíshí saqınaly totyqūstar jūby mamyr aıynda úsh balapan basyp shyǵardy. Būl qūstar bírneshe jyldan berí tūraqty túrde ūrpaq órbítíp keledí. Byltyr olar ekí balapan bassa, bıyl aqpanda jáne mamyrda ekí ret balapan basyp shyǵardy.
«Balapannyń shyǵuy – olardyń ózín jaıly sezínetíníníń basty kórsetkíshteríníń bírí. Ásírese, ala rozella totyqūstarynyń balapan basuy bíz úshín erekshe quanyshty jańalyq. Būl qūstardy qūnarly azyqpen qamtamasyz etíp, tūraqty veterınarlyq baqylau júrgízíp, tabıǵı ortaǵa barynsha jaqyn jaǵdaı jasap júrgen mamandarymyzdyń kúndelíktí eńbegíníń nátıjesí. Aldaǵy uaqytta da qanatty mekendeushílerímíz bízdí jańa balapandarymen quanta beredí dep senemíz», – dedí Almaty haıuanattar baǵynyń ekzotıkalyq qūstar bólímíníń jetekshísí Aıjan Sybanbekova.
Qūstardyń ár túrínen balapan alynuy Almaty haıuanattar baǵy mamandarynyń januarlardy kútíp-baǵu, kóbeıtu jáne saqtau baǵytyndaǵy jūmysynyń tıímdílígín dáleldeıdí. Qolaıly orta, dūrys azyqtandyru jáne kásíbı kútím olardyń tabıǵı jolmen kóbeıíp, ósíp-ónuíne múmkíndík beríp otyr.
Almaty haıuanattar baǵy bıologıyalyq aluan túrlílíktí saqtauǵa, januarlardy kóbeıtu baǵdarlamalaryn damytuǵa jáne haıuanattar baǵynda ósíríletín túrlerdíń genetıkalyq tūrǵydan tūraqty populyatsıyasyn qalyptastyruǵa baǵyttalǵan jūmysty jalǵastyryp keledí.