Almaty haıuanattar baǵy paıdalanylǵan tabıǵı jańa jyldyq shyrshalardy qabyldauǵa arnalǵan ekologıyalyq aktsıyany bastady, - dep habarlaıdy Aqshamnews.kz.
Būl bastama jasyl jelekterge «ekínshí ómír» syılap, januarlardyń ál-auqatyn jaqsartuǵa úles qosuǵa múmkíndík beredí.
Jańa jyl merekelerí ayaqtalǵannan keıín qala tūrǵyndary tírí shyrshalardy qoqysqa tastamaı, olardy Almaty haıuanattar baǵyna tapsyra alady. Qabyldanǵan aǵashtar januarlar qorshauyna qoıylyp, olardyń tírshílík ortasyn baıytu maqsatynda paıdalanylady.
Shyrshalar būǵy, elík, qodas, qaban jáne basqa da januarlardyń qorshauynda qoldanylady. Januarlar jańa zattarǵa erekshe qyzyǵushylyq tanytyp, shyrshalardy ıískep, dámín tatyp, tartyp, sekíríp, būtaǵyna súıkeníp, qabyǵymen oınaıdy. Būl olardyń qımyl-qozǵalysyn arttyryp, kúızelístí azaıtyp, kúndelíktí tírshílígín árlendíre túsedí.
Atalǵan aktsıya ekologıyalyq shara ǵana emes, būl adamdardy tabıǵatqa janashyrlyqpen qarauǵa, sanaly tūtynuǵa shaqyratyn taǵylymdy bastama.
Shyrshalardy qabyldau orny:
Almaty haıuanattar baǵynyń qyzmettík kíreberísí
Almaty qalasy, Ormanov kóshesí, 64
Qabyldau merzímí: 8-18 qańtar
Tek tabıǵı, tírí shyrshalar qabyldanady
Baılanys telefony: 8 (701) 676-85-85
Almaty zoologıyalyq parkí qala tūrǵyndary men qonaqtaryn aktsıyaǵa qatysuǵa, januarlar men qorshaǵan ortany qorǵauǵa úles qosuǵa shaqyrady.