Almaty qalasynda tehnıkalyq jáne kásíptík bílím beru salasyn damytuǵa baǵyttalǵan kezektí mańyzdy qadam jasaldy. 2025 jylǵy 28 qarashada «Almaty energetıka jáne elektrondy tehnologıyalar kolledjínde» «KAZ ENERGO POWER» JShS jáne «Legrand» JShS seríktestígímen jabdyqtalǵan jańa oqu sheberhanalarynyń ashylu saltanaty óttí. Sharaǵa audan ákímdígíníń ókílderí, audandyq bílím bólímderíníń mamandary, kolledj dırektorlary jáne kolledj oqytushylar qatysty.
Būl bastama Memleket basshysy jarıyalaǵan «Jūmysshy mamandyqtar jyly» ayasynda júzege asyrylyp, jastardyń eńbek naryǵynda básekege qabílettí kásíbı maman bolyp qalyptasuyna múmkíndík beredí. Jańa sheberhanalar 07130100 «Elektr jabdyqtary», 07130200 «Elektrmen jabdyqtau» mamandyqtary boıynsha bílím alushylarǵa zamanauı tehnologıyalarmen jūmys ísteuge, óndírístík jaǵdaıda tájírıbesín jetíldíruge jaǵdaı jasaıdy.
Atalǵan oqu keńístígí kolledjdíń áleumettík seríktesí – «KAZ ENERGO POWER» JShS-níń qoldauymen tolyqtaı jabdyqtaldy. Kompanıya – íshkí jáne syrtqy ornatuǵa arnalǵan jıyntyq taratu qūrylǵylary, jıyntyq transformatorlyq qosalqy stantsıyalar, standartty jáne standartty emes taratu shkaftaryn óndíretín otandyq jetekshí kásíporyndardyń bírí.
Kásíporyn kelesí baǵyttar boıynsha joǵary sapaly elektrotehnıkalyq ónímder shyǵarady:
joǵary kerneulí elektr jabdyqtary;
tómen kerneulí elektr jabdyqtary;
standartty emes elektrotehnıkalyq qūrylǵylar;
jıyntyq transformatorlyq qosalqy stantsıyalar.
Sonymen qatar kompanıya jetkízíletín jabdyqtardyń jobalau, montajdau, íske qosu-baptau, servıstík jáne kepíldík qyzmetterín tolyq qamtamasyz etedí. Būl sheberhana studentterdíń energetıkalyq júıelerdí avtomattandyru jáne rele qorǵanysy boıynsha ózektí daǵdylardy meńgeruíne múmkíndík beredí.
«Legrand ProLab – Bolashaq maman» sheberhanasy
Ekínshí jańa oqu keńístígí — «Legrand» JShS-níń qoldauymen íske asyryldy. Legrand – tūrǵyn úı, kommertsıyalyq jáne ónerkásíptík nysandarǵa arnalǵan elektrojabdyqtary men qūrylymdyq kabeldík júıelerdíń halyqaralyq deńgeıdegí óndírushísí jáne jetkízushísí.
Kompanıyanyń negízgí óním baǵyttary: rozetkalar, qosqyshtar jáne moduldík qūrylǵylar; avtomatty ajyratqyshtar jáne qorǵanys elementterí; kabel arnalary men moduldík panelder; elektr jáne tsıfrlyq ınfraqūrylymǵa arnalǵan keshendí sheshímder.
Legrand óndíretín jabdyqtardy jobalau, montajdau, íske qosu jáne servıstík qoldaudy tolyq qamtyp otyrady. Jańa sheberhana bílím alushylardyń zamanauı elektrmontaj jūmystaryn meńgeruíne, tsıfrlyq ınfraqūrylym elementterímen jūmys ísteu bílíktílígín arttyruǵa baǵyttalǵan.
Jańa sheberhanalardyń ashyluy — dualdy oqytu júıesín kúsheıtudíń, áleumettík seríktestík ayasyn keńeıtudíń jáne tehnıkalyq mamandyqtardyń bedelín arttyrudyń naqty qadamy. Kolledj basshylyǵynyń aıtuynsha, mūndaı oqu ortalyqtary studentterdíń kásíbı qūzyrettílígín arttyryp qana qoımaı, óndírístík ortaǵa beıímdeluín jyldamdatady.
Almaty energetıka jáne elektrondy tehnologıyalar kolledjí aldaǵy uaqytta da seríktes ūıymdarmen bírlesken jobalardy júzege asyryp, eńbek naryǵyna qajettí bílíktí mamandar dayarlaudy jalǵastyrmaq.