Almaty studentter úshín álemdegí eń qolaıly qalalar reıtıngínde 78-orynǵa ıe boldy. Būl - Qazaqstan qalalary arasyndaǵy eń úzdík kórsetkísh, – dep habarlaıdy aqshamnews.kz tílshísí.
Quacquarelli Symonds (QS) halyqaralyq bílím beru kompanıyasy studentterge qolaıly úzdík qalalardyń jyl saıynǵy reıtıngín jarıyalady.
Almaty 150 qalanyń íshínde 65,1 ūpaı jınap, 78-orynǵa tūraqtady. Al Astana 55 ūpaımen 119-orynnan kóríndí.
Reıtıngtíń kóshín Seul bastady. Odan keıín Tokıo men London tūr. Sondaı-aq, úzdíkter qatarynan Melburn, Myunhen jáne Sıdneı de oryn aldy.
Óńír qalalary arasynda Almaty Baku (95-oryn), Tbılısı (130-oryn), Bíshkek (137-oryn) jáne Tashkentten (146-oryn) joǵary nátıje kórsettí.
QS Best Student Cities reıtıngí qalalardy joǵary oqu oryndarynyń sapasy, studentter úshín tartymdylyǵy, oqu bítírgennen keıíngí jūmys múmkíndígí, ómír súru qūny jáne studentterdíń píkírí sekíldí bírneshe ólshem boıynsha baǵalaıdy.