Almaty ákímí Darhan Satybaldy Jetísu audanynda bírqatar ózektí másele talqylanǵan jūmys jıynyn ótkízdí. Keńeske audan ákímdígí, salalyq basqarmalar, kommunaldyq qyzmetter men tıístí mekemelerdíń ókílderí qatysty.
Kún tártíbíndegí basty máselelerdíń bírí Soltústík aınalma jol boıyndaǵy rūqsatsyz sauda oryndary boldy. Atap aıtqanda, osy jol men Jūmabaev kóshesíníń boıynan beıbereket sauda núktelerí kóptep anyqtalǵan. Audandyq polıtsıya ókílderíníń málímetínshe, bıyl jyl basynan berí osy faktí boıynsha 756 ákímshílík hattama toltyrylyp, jalpy somasy 4 mıllıon teńge kólemínde aıyppūl salynǵan. Būl baǵyttaǵy reıdtík sharalar jalǵasyp keledí.
Jıyn barysynda bazar aumaqtaryndaǵy órt qauípsízdígí de jeke qaraldy. 2022 jyldyń qarashasynan berí būl aumaqta bírneshe órt oqıǵasy tírkelgen. Oǵan elektr symdarynyń qysqa tūıyqtaluy, alǵashqy órt sóndíru qūraldarynyń bolmauy jáne qasaqana órt qoyu sebep bolǵan. Qalalyq tótenshe jaǵdaılar departamentíníń ókílderí nysan ıeleríne eskertu únemí tabystalatynyn, al zańbūzushylyqtar boıynsha materıaldar sotqa joldanatynyn habarlady.
«Eger jaǵdaı ózgermeı, nátıje shyqpasa, onda būdan da qatań sharalar qabyldanuǵa tıís», – dedí Almaty ákímí TJD ókílderíne qarata sóılegen sózínde.
Keńeste ınjenerlík jelílerdíń qūrylysy, olardy kommunaldyq menshíkke ótkízu, jol jóndeu jūmystary, sondaı-aq «Halyq qatysatyn byudjet» baǵdarlamasy ayasynda júzege asyrylyp jatqan jobalardyń sapasy sóz boldy. Sonymen qatar, Jetísu audanyndaǵy densaulyq saqtau jáne bílím beru mekemeleríníń jaı-kúıí talqylandy.
Qala basshysy bastalǵan barlyq jūmystyń der kezínde ayaqtaluy qajettígín qatań eskerttí.
«Eń bastysy, jaryq, su, gaz sekíldí ár adam kúndelíktí tūtynatyn negízgí qajettílíkterden eshkím tapshylyq kórmeuí kerek. Sondyqtan bírde-bír joba sozylyp ketpeuge tıís. Eger bír ístí qolǵa alsańyzdar, sońyna deıín jetkízíńízder. Barlyq joba 1 qyrkúıekke deıín ayaqtaluy qajet», – dedí Darhan Satybaldy.
Almaty ákímí jıyn ayasynda Jetísu audanynyń tūrǵyndaryn qabyldap, olardy tolǵandyrǵan túıtkílderdí tyńdady. Atap aıtqanda, tūrǵyn úı qoryn jańǵyrtu, jer telímíne jáne Ussurııskaya kóshesíndegí jeke sektordy ortalyq káríz júıesíne qosu jaıy talqylandy. Árbír ótínísh boıynsha naqty jauap berílíp, sheshu joldary men oryndalu merzímí belgílendí.