Almaty ákímí Darhan Satybaldy Oqushylar saraıyna baryp, qalanyń eń írí qosymsha bílím beru ortalyǵynyń qyzmetímen tanysty.
1983 jyldan berí jūmys ísteıtín būl mekeme jyl saıyn 6-17 jas aralyǵyndaǵy balalarǵa sporttyq, kórkem-qoldanbaly, ǵylymı-tehnıkalyq, ekologıyalyq, turıstík-ólketanu, áleumettík-pedagogıkalyq jáne muzykalyq baǵyttar boıynsha baǵdarlama ūsynady. Búgínde Oqushylar saraıynda 15,1 myńnan astam bala bílím alyp júr, olardyń 7,9 myńnan astamy tūraqty túrde qatysyp júr. 200-den astam mūǵalím oqu kabınetí, zerthana, basseıní bar sport keshení, planetarıı, observatorıya jáne shyǵarmashylyq studıyada sabaq beredí.
Darhan Satybaldy ortalyqtyń ınfraqūrylymymen tanysyp, klassıkalyq muzyka jáne robototehnıka synyptaryn aralady. Almaty ákímí mūndaı baǵyttardy damytu Memleket basshysy júktegen tapsyrmalardy íske asyru ayasynda júrgízílíp jatqanyn, al qosymsha bílím beru baǵdarlamalarynyń mazmūny men aluan túrlílígí balalardyń jan-jaqty damuynyń mańyzdy bólígí ekenín atap óttí.
Barlyq bólme táulík boıy beınebaqylaumen, órt dabylymen jáne zamanauı qauípsízdík júıelerímen jabdyqtalǵan. Darhan Satybaldy qosymsha bílím beru nysandarynyń materıaldyq-tehnıkalyq bazasyn odan árí nyǵaıtu qajettígín aıtty.
Jūmys sapary barysynda qala ákímí Almaty muzeıíne de baryp, ekspozıtsıyamen qatar, mekemeníń qyzmetímen tanysty. 2002 jyly qūrylǵan muzeı búgínde Jetísu óńíríníń tarıhı-mádenı mūrasynan syr shertetín qalanyń jetekshí mádenı ortalyqtarynyń bírí. Muzeı qorynda 40 myńǵa juyq eksponat bar, olardyń qatarynda arheologıyalyq oljalar, túrlí dáuírlerdíń etnografıyasy men tūrmys būıymdary, fotoderekter, beıneleu óneríníń tuyndylary jáne Almaty qalasynyń myńjyldyq tarıhyn qamtıtyn bíregeı toptamalar bar.
Ejelgí qonys kezeńínen qazírgí megapolıske deıíngí uaqytty qamtıtyn ekspozıtsıya 11 taqyryptyq zalda ornalasqan. Ákímge LED-ekran, aqparattyq qūrylǵy, proektsıyalyq júıe jáne ınteraktıvtí keskíndeme syndy muzeıdíń zamanauı multımedıyalyq sheshímderí kórsetíldí. Darhan Satybaldy tarıhı-mádenı mūrany saqtau men mádenı nysandardyń qala tūrǵyndary men qonaqtary úshín qoljetímdílígín arttyrudyń mańyzdylyǵyn atady.