Almaty qalasynyń ákímí Darhan Satybaldy azamattardy jeke máselesí boıynsha qabyldau ótkízdí. Qabyldau barysynda qala tūrǵyndarynyń áleumettík-ekonomıkalyq damuǵa qatysty ózektí ótíníshterí qaraldy.
Kezdesu kezínde kólík jáne ınjenerlík ınfraqūrylymdy damytu, kórkeıtu, jer paıdalanu men qūrylys, ekologıya, tūrǵyn úı-kommunaldyq sharuashylyǵy máselelerí kóteríldí. Sondaı-aq mádenıet, sport jáne kásípkerlík salalaryndaǵy bastamalardy qoldau, áleumettík nysandardy damytu jáne qalalyq ortanyń sapasyn arttyru máseleleríne erekshe nazar audaryldy.
Barlyq ótínísh boıynsha tıístí basqarmalar men audan ákímdíkteríne kóterílgen máselelerdí jan-jaqty zerdelep, qoldanystaǵy zańnama ayasynda naqty sheshím qabyldau jónínde tapsyrmalar beríldí. Jekelegen jaǵdaılarda máselelerdí ótínísh ıelerímen bírlesíp, sol jerde pysyqtau úshín tıístí mamandardyń shyǵuyn ūıymdastyru tapsyryldy.