Almaty Ortalyq Azıyadaǵy basty gastronomıyalyq baǵytqa aınalyp keledí. Qala tanymal Eater basylymynyń «Where to Eat 2026» gastronomıyalyq baǵyttar tízímíne endí.
Tízímdí jasaushylar sońǵy bírneshe jylda Almaty óńírdegí bas aspazdardyń basyn qosqan alǵashqy Almaty Food Fest festıvalín ótkízíp, ózíníń alǵashqy gastronomıyalyq gıdín jaryqqa shyǵarǵanyn erekshe atap óttí.
Basylymnyń baǵalauynsha, kespesí mol besbarmaq, klassıkalyq qazy, et qosylǵan samsa, quyrylǵan bauyrsaq pen quyrylǵan laǵman arqyly sayahatshylar jergílíktí kóshpelí dástúrlerdíń mūrasyn, sondaı-aq ūıǵyr, orys, ózbek, koreı, túrík jáne úndí ashanalarynyń yqpalyn sezíne alady. Dástúrlí dámder Kók bazarda álí de keńínen taraǵan, al neo-kóshpelí baǵyttaǵy zamanauı meıramhanalar olardy zamanauı úlgíde ūsynady.
«Bıyl tamaqtanuǵa arnalǵan eń úzdík sayahat baǵyttaryn tańdaǵanda, bíz tek úzdík meıramhanalardy ǵana emes, sonymen qatar olardy shyn júrekten ūsynatyn adamdardy da ízdedík. Avtorlarymyz būl tízímge ózderí jaqsy bíletín (kóbí būl jerlerdí úıím dep sanaǵan) oryndardy engízdí, al bas aspazdar men restoratorlar ózderíne dem beretín álemníń túkpír-túkpíríndegí dámdí as ázírleıtín oryndardy ūsyndy. Qazaqtyń neo-kóshpelí toı dastarhany bıyl alda keremet dámdí sapar kútíp tūrǵanyna esh kúmán qaldyrmaıdy», – dep jazady basylym.
Aıta keteıík, Eater – meıramhanalar men gastronomıya turaly álemdegí eń yqpaldy basylymdardyń bírí. Onyń tízímíne enu qalanyń halyqaralyq tanymaldylyǵyn arttyryp, gastronomıyalyq turızmníń damuyna oń yqpal etedí.