«Qazaqstan ūıǵyrlarynyń respublıkalyq mádenı ortalyǵy» ūıymyn basqaratyn Dolqyntaı Álıev būl merekeníń qoǵamdyq kelísímdí, ūltaralyq bírlíktí nyǵaıtudyń jáne jastardy patrıottyq ruhta tárbıeleudíń mańyzdy qūraly ekenín atap óttí, – dep habarlaıdy aqshamnews.kz tílshísí.
Alǵys aıtu kúní qarsańynda Óńírlík kommunıkatsıyalar qyzmetíníń alańynda Qazaqstan halqy Assambleyasynyń múshelerí qatysqan baspasóz konferentsıyasy bolyp óttí.
Onyń aıtuynsha, būl jaı ǵana dástúrlí mereke emes, aǵa buynnan jas ūrpaqqa ruhanı-adamgershílík qūndylyqtardy jetkízuge yqpal etetín mańyzdy qoǵamdyq oqıǵa. Osyndaı ís-sharalar ayasynda jastarǵa zańǵa, eńbekke, otbasy men memleketke qūrmetpen qaraudyń negízderí túsíndíríledí.
«Óskeleń ūrpaqty tárbıeleude otbasynyń rólíne erekshe mán beríledí. Ata-analar men úlkender jastarǵa úlgí bolyp, ūlttyq dástúrge, mádenıet pen el tarıhyna qūrmetpen qaraudy úırenuí tıís. Búgínde dástúrdí saqtap qana qoımaı, olardy zamanǵa beıímdeu qajettígí de tudy. Sonda jastar el ómíríne belsene aralasyp, ózderínsíz ís bítpeıtínín túsíne bastady», — deıdí ol.
Sonymen qatar, Dolqyntaı Álıev qoǵamdyq jáne mádenı ís-sharalar jastardyń boıynda jauapkershílík sezímín, azamattyq ūstanymdy jáne jasampaz eńbekke ūmtylysty qalyptastyruǵa yqpal etetínín aıtty. Onyń píkírínshe, dál osyndaı jūmystar arqyly beıbítshílíkke ūmtylyp, damuǵa bet túzegen ūrpaq tárbıeleuge bolady.
«Būl kún alǵys aıtudy úıretedí. Ata-anany, úlkendí, ūstazdar men tálímgerlerdí qadírlep, qūrmetteu kerek. Bízge qoldau kórsetíp, bílím bergen jandardyń barlyǵy alǵysqa laıyqty», — dep túıíndedí ol óz sózín.