«Áleýmettik ámıan» júıesi – áleýmettik kómek alatyn otbasylardyń balalaryna mektepte tegin ystyq tamaq berýdi avtomattandyratyn jańa sıfrlyq sheshim.
Bul júıe ata-analardan qaǵaz qujat jınaýdy qajet etpeıdi, qajettilik memlekettik derekter bazasy arqyly avtomatty túrde anyqtalady. Ata-ana kelisim bergen soń, eGov mobile qosymshasynda sıfrlyq vaýcher iske qosylady, dep habarlaıdy aqshamnews.kz.
Oqýshy mektep asqanasynda QR-kod, karta nemese Face ID arqyly tamaq alady, al ata-ananyń telefonyna habarlama keledi. Taǵam sapasyna baǵa berý jáne keri baılanys qarastyrylǵan. Qazirgi tańda bul júıe Astana men Qostanaı oblysyndaǵy 20 mektepte pılottyq rejımde jumys isteýde. Bolashaqta 1–4 synyp oqýshylaryna da engizý josparlanýda.
Kútiletin nátıjeler:
• Kómektiń shynaıy muqtajdarǵa jetýi
• Qyzmet kórsetý barysynyń ashyqtyǵy
• Ata-analar úshin yńǵaıly baqylaý
• Mektep pen jetkizýshiler jumysynyń jeńildeýi
• Ádil ári naqty tólem júıesi