2026–2028 jyldary Qazaqstanda zeınetaqy mólsheri kezeń-kezeńimen ósedi. Bul týraly respýblıkalyq búdjet týraly zań jobasynda aıtylǵan, - dep habarlaıdy Aqshamnews.kz.
Zeınetaqy men járdemaqyǵa bólinetin qarjy
2026 jyly Eńbek jáne halyqty áleýmettik qorǵaý mınıstrligine respýblıkalyq búdjetten 6,8 trıllıon teńge bólinedi. Onyń 6,7 trıllıony zeınetaqy men járdemaqy tóleýge jumsalmaq.
Zeınetaqy mólsheri qandaı bolady
Zań jobasyna sáıkes:
-
2026 jyly ortasha zeınetaqy - 103 687 teńge,
-
2027 jyly - 108 940 teńge,
-
2028 jyly - 113 995 teńge bolady.
Qazir (2025 jylǵy 1 tamyzdaǵy jaǵdaı boıynsha) ortasha jıyntyq zeınetaqy - 143 097 teńge. Onyń ishinde 95 491 teńge - ortaqbólik, 47 606 teńge - bazalyq bólik.
Al bazalyq zeınetaqy aldaǵy jyldary bylaı ózgeredi:
-
2026 jyly - 54 082 teńge,
-
2027 jyly - 58 276 teńge,
-
2028 jyly - 61 527 teńge.
2026 jyldan bastap eń tómengi bazalyq zeınetaqy turaqty túrde kúnkóris mınımýmynyń 70%-yna teń bolady.
Maksımal zeınetaqy:
-
2026 jyly - kúnkóris mınımýmynyń 118%-y,
-
2027 jáne 2028 jyldary - 120%-y.
Qazir eń tómengi bazalyq zeınetaqy - 32 360 teńge (kúnkóris mınımýmynyń 70%-y),
al eń joǵarysy - 50 851 teńge (110%).
2025 jylǵy 1 qyrkúıektegi derek boıynsha, elde 2,5 mıllıonnan asa zeınetker bar.
Áleýmettik tólemderge arnalǵan jalpy búdjet
Zeınetaqy men járdemaqy tóleýge arnalǵan búdjet jyl saıyn artady:
-
2026 jyly - 6,7 trıllıon teńge,
-
2027 jyly - 7,4 trıllıon teńge,
-
2028 jyly - 8 trıllıon teńge.
Mınıstrlik qalǵan qarjyny qalaı jumsaıdy?
Zeınetaqy men járdemaqylardan keıin mınıstrlikte 51 mıllıard teńge qalady. Ol bylaı bólinedi:
-
12 mlrd - eńbek, jumyspen qamtý jáne áleýmettik qorǵaý salasyndaǵy saıasatty damytýǵa;
-
10 mlrd - mınıstrlik apparatynyń jumysyn qamtamasyz etýge;
-
13 mlrd - áleýmettik qoldaý júıesin jetildirýge jáne halyqqa kómek kórsetýge;
-
11 mlrd - óńirlik búdjetterge áleýmettik nysandar salýǵa beriletin maqsatty transfertterge;
-
5 mlrd - estý qabileti buzylǵan balalardy beıimdeý, áleýmettik qorǵaý júıesin jańartý jáne basqa da shyǵyndarǵa baǵyttalady.