Būl turaly Bas prokuratura eskertu jasap, azamattardy saq boluǵa shaqyrdy, – dep habarlaıdy aqshamnews.kz tílshísí.
Alayaqtar ózín Telegram messendjeríníń resmı qoldau qyzmetí retínde tanystyryp, qoldanushylarǵa «akkauntyńyzdy joyu turaly sūrau tústí» degen jalǵan habarlamalar jíberíp jatyr.
Habarlamada akkauntty saqtap qalu úshín 24 saǵat íshínde arnaıy batyrmany basu nemese síltemege ótu qajet ekení kórsetíledí.
Síltemege ótken adam jalǵan saıtqa nemese botqa baǵyttalyp, SMS nemese Telegram arqyly kelgen rastau kodyn engízuge shaqyrylady. Al kodty engízgen sátte akkauntqa qoljetímdílík alayaqtardyń qolyna ótedí.
Osylaısha qaskóıler jeke hattarǵa, baılanystar tízímíne jáne basqa da derekterge qol jetkízíp, akkaunt ıesíníń atynan habarlamalar taratuy nemese aqsha sūrauy múmkín.
Akkauntyńyzdy qorǵau úshín:
Rastau kodtaryn eshkímge bermeńíz;
Kúmándí síltemelerge ótpeńíz;
Ekí kezeńdí autentıfıkatsıyany qosyńyz;
Belsendí qūrylǵylar tízímín tūraqty tekseríp otyryńyz.
Mamandardyń aıtuynsha, Telegram-nyń resmı qyzmetí eshqashan rastau kodyn, qūpıyasózdí nemese basqa da qūpıya derekterdí sūramaıdy. Eger osyndaı habarlama alsańyz, ony bírden óshíríp, eshqandaı síltemení ashpaǵan jón.
Alayaqtyqtyń jańa shemasy paıda boldy
