Almatynyń Alatau audanyndaǵy 11 bílím beru mekemesínde qaıta jańǵyrtu jáne seısmıkalyq kúsheıtu jūmystary júrgízílíp jatyr
Almatynyń Alatau audanynda áleumettík ınfraqūrylym belsendí túrde damyp keledí. Būl turaly qala ákímí Erbolat Dosaev audan tūrǵyndarymen kezdesu barysynda aıtty.
Audandaǵy oqushy oryndarynyń tapshylyǵy – 6,1 myń oryn. Būl máselení sheshu maqsatynda ótken jyly jergílíktí byudjet esebínen «Sayaly-2» shaǵyn audanynda 550 oryndyq jańa mektep salyndy. Sondaı-aq, «Zerdelí» shaǵyn audanynda taǵy bír 550 oryndyq mekteptíń qūrylysy júríp jatyr.
Sonymen qatar, «Jaıly mektep» ūlttyq jobasy ayasynda Alatau audanynda jalpy syıymdylyǵy 12,7 myń oqushyny qamtıtyn 7 mekteptíń qūrylysy júríp jatyr. Jańa oqu jylynda Terektí, Samǵau, Qarasu jáne Aqbūlaq shaǵyn audandarynda bes mektep ashu josparlanǵan.
Al «Alǵabas» jáne «Ǵajaıyp» shaǵyn audandaryndaǵy ekí mekteptíń qūrylysy 2025 jyldyń sońyna deıín ayaqtalmaq.
Aıta keteıík, Almatyda «Jaıly mektep» ūlttyq jobasy ayasynda 34,8 myń jańa oqushy orny ashylady dep josparlanǵan.
Sonymen qatar, qoldanystaǵy mektepterdíń syıymdylyǵyn arttyru maqsatynda №195, 174, 35, 112, 99 jáne 73 mektepterge qosymsha ǵımarattar salynyp jatyr. Būl 1 755 qosymsha oqushy ornyn ashuǵa múmkíndík beredí.
Sondaı-aq, 11 bílím beru mekemesínde qaıta jańǵyrtu jáne seısmokúsheıtu jūmystary júrgízílíp jatyr. Olar: №33 lıtseı, №161 lıtseı, №191, №58, №189, №50, №160 mektepter, №59 mekteptíń fılıaly, sondaı-aq, №73, №30 jáne №60 gımnazıyalar.