«Almaty Aqshamý» jáne «Vechernıı Almaty» gazetteriniń jýrnalıseri kásibı merekesin 4120 metrlik bıiktikte atap ótti.
Kúni keshe elimizdegi barsha BAQ ókilderi kásibı merekelerin atap ótti. Qazaqstandaǵy buqaralyq aqparat quraldarynyń ishinde ózindik orny bólek, salmaqty ujymdardyń biri – «Alataý Aqparat» JSHS. Yntymaǵy berik, birligi jarasqan ujym kásibı merekeni Alataýdyń ushar basynda, tamasha tabıǵat aıasynda atap ótti.
Shymbulaqtyń shyńyndaǵy «Tuıyq sý» demalys ornynda «Alataý Aqparat» JSHS-ne qarasty «Vechernıı Almaty», «Almaty aqshamý» gazetteriniń qyzmetkerleri bas qosty. 1938 jyly qurylǵan «Tuıyq sý» lageri álpınıser úshin tarıhı oryn. Munda qaza bolǵan álpınıserge arnap qurmet taqtalary qoıylǵan.
Jańalyqtyń jarshysy, qoǵamnyń qońyraýyndaı jýrnalıser qaýymyna osynaý kásibı merekede úlken qurmet kórsetilip, túrli marapattar berildi.
«Alataý Aqparat» medıaholdınginiń Bas dırektory Tólemis Kúlmuhamedov ujymnyń alar asýy áli alda ekenin, talaı jeńister men jetistikterge jetýge degen qulshynystyń kúshti ekenin aıtyp, barsha qyzmetkerlerge shyǵarmashylyq tabys tiledi.
«Alataý Aqparat» medıaholdınginiń merekelik sharasyna Qazaqstan Jýrnalıser odaǵy basqarmasynyń tóraǵasy Seıitqazy Mataev, Qazaqstan Respýblıkasy Jýrnalıser akademıasynyń prezıdenti Saǵymbaı Qozybaev arnaıy kelip, jýrnalıserge marapattar men dıplomdaryn tapsyrdy. Osyndaı kásibı mereke kezinde ýaqyttarynyń tyǵyzdyǵyna qaramastan arnaıy kelgen qonaqtarǵa «Alataý Aqparat» JSHS-niń Bas dırektory Tólemis Baqtybaıuly Kúlmuhamedov alǵysyn bildirdi.
Qazaqstan Respýblıkasy Jýrnalıser akademıasynyń dıplomyn «Vechernıı Almaty» gazetiniń Bas redaktory Evgenıı Grúnberg, «Almaty aqshamý» gazetiniń jaýapty hatshysy Roza Qaraeva, «Vechernıı Almaty» gazetiniń jaýapty hatshysy Ábdijamal Saparqulov jáne saıt tilshisi Nelá Sýleımenova, fototilshi Qaırat Qonysbaev, betteýshiler Erbol Qojabaev pen Aısha Abýova ıelendi.
Qazaqstan Jýrnalıser odaǵynyń Qurmet gramotasy «Almaty aqshamý» gazetiniń Bas redaktory Tórehan Danıarǵa, redaksıalar jetekshisi Abdýhalıl Djalılovqa jáne qos gazettiń tilshileri men qyzmetkerleri Raıa Eskendirge, Quralaı Jumadilge, Serik Jumabaevqa, Vasılıı Shýpeıkınge, Aqerke Myrzaǵalıǵa, Elena Sokolovaǵa buıyrdy. Redaksıanyń barlyq tilshilerin «Alataý Aqparat» medıaholdıngi arnaıy gramotalarmen marapattady.
«Alataý Aqparat» gazetiniń Bas redaktory Tórehan Danıar, «Vechernıı Almaty» gazetiniń Bas redaktory Evgenıı Grúnberg te tilshilerdi, jalpy redaksıa qyzmetkerlerin merekemen quttyqtap, jyly lebizderin bildirdi.
«Ashyq aspan astyndaǵy, tabıǵat aıasyndaǵy, taýdyń baýraıyndaǵy ádemi demalys shyǵarmashylyq jandardyń shabytyn shyńdap, ujymdy bir-birine jaqyndastyryp, yntymaǵymyzdy arttyra túsedi», – deıdi bas redaktorlar.
«Almaty aqshamý» gazetiniń ujymy elimizdegi barsha BAQ ókilderin kásibı merekelerimen quttyqtaıdy. Qalamyn qarý etken áriptesterimizdiń shabyty tolqyndaı tasyp, eńbekteri elenip, tabystarǵa jete berýine tilektespiz!