Májílís deputaty Ashat Aımaǵambetov medıtsına qyzmetkerlerí men jedel járdem júrgízushíleríne shabuyl jasaǵandarǵa jazany kúsheıtu turaly zań jobasyn tanystyrdy. Deputat óz sózínde ádíletsízdík pen dárígerlerdíń qorǵansyzdyǵyn naqty mysaldarmen dáleldedí, - dep habarlaıdy aqshamnews.kz tílshísí.
Deputat sózín Qostanaıda bolǵan oqıǵadan bastady. Onda tájírıbelí urolog nauqas tarapynan soqqyǵa jyǵylyp, auyr jaraqat alǵan. Dáríger 4 aı boıy jūmysqa shyǵa almaǵan.
"Būl maman auyrǵan 4 aıdyń íshínde 960 adamdy emder edí. Yaǵnı, bír dárígerdí soqqyǵa jyǵu – ís júzínde myń qazaqstandyqty em-domsyz qaldyru degen sóz", – dedí Aımaǵambetov.
Sondaı-aq, jedel járdem qyzmetkerleríne jasalǵan shabuyldyń saldary odan da auyr. Júrgízushí men feldsher jaraqat alǵan kezde, jedel járdem kólígí toqtap qalady. Būl – ınfarkt nemese ınsult alǵan nauqasqa kómektíń keshíguí, yaǵnı ómír men ólím máselesí.
Eger men dáríger: Zań aldyndaǵy teńsízdík
Deputat qoldanystaǵy zańnamadaǵy paradoksty atap óttí. Qazír egerge nemese januarlar ınspektoryna shabuyl jasaǵan adam 12 jylǵa deıín sottaluy múmkín (QK 380-2 baby). Al adam ómírín arashalaıtyn reanımatologqa shabuyl jasau qarapaıym būzaqylyq retínde qarastyrylyp, qylmysker aıyppūlmen qūtylyp ketedí.
"Eger bíz orman qorǵaıtyn ınspektordy, prokuror men sotty, qaruy bar polıtseıdí qorǵasaq, onda qolynda bír ǵana fonendoskopy bar, nauqastarǵa kómekke baratyn dárígerdí qorǵauǵa míndettímíz", – dep atap óttí deputat.
Jańa zań ne ūsynady?
Zań jobasy ayasynda Qylmystyq kodekske jańa 380-3-bap engízu ūsynylyp jatyr. Ol boıynsha:
- "Medıtsına qyzmetkerí" jáne "jedel medıtsınalyq járdem júrgízushísí" arnaıy qorǵalatyn subektíge aınalady.
- Olarǵa shabuyl jasaǵany úshín jaza edáuír qatańdatylady.
Ashat Aımaǵambetov būl zań tek dárígerler úshín emes, eń aldymen, der kezínde kómek kútíp otyrǵan qarapaıym halyqtyń, balalar men qarıyalardyń qūqyǵyn qorǵau úshín qajet ekenín jetkízdí.