Aqtóbede iz-túzsiz joǵalyp ketken erli-zaıyptynyń máıiti tabyldy, - dep habarlaıdy Aqshamnews.kz tilshisi oblystyq PD baspasóz qyzmetine silteme jasap.
40 jastaǵy Amanjol Almaǵanbetov pen onyń jubaıy Gúljahan Shektibaeva 20 qarashada Aqtóbe qalasyndaǵy 41-razezd aýmaǵyndaǵy úıinen shyǵyp, keıin habar-osharsyz ketken. Olardy izdestirý jumystary júrgizilgen edi.
Búgin erli-zaıyptynyń ekeýiniń de denesi qala shetinen tabylǵany habarlandy. Oblystyq polısıa departamentiniń málimetinshe, 1986 jyly týǵan áıeldiń denesinen zorlyq belgileri anyqtalyp, osyǵan baılanysty qylmystyq is qozǵalǵan. Keıingi jedel sharalar barysynda er adamnyń da denesi asylyp turǵan kúıinde tabylǵan.
Qazir oqıǵa ornynda jedel-tergeý toby jumys istep jatyr. Aýmaq tekserilip, zattaı dálelder jınalyp jatyr, tıisti sot-medısınalyq saraptamalar taǵaıyndalǵan. Tergeý oqıǵanyń naqty mán-jaıyn anyqtaýǵa baǵyttalǵan.
Eger sizge nemese jaqynyńyzǵa psıhologıalyq kómek qajet bolsa, jergilikti senim qyzmetterine nemese 112 nómirine habarlasyńyz!