Memlekettík tílge degen qoǵamnyń sūranysy artyp keledí. Būl turaly Ortalyq kommunıkatsıyalar qyzmetínde «Ūlttyq ruhanı jańǵyru» ūlttyq jobasynyń maqsatyn túsíndíru kezínde QR Aqparat jáne qoǵamdyq damu mınıstrí Aıda Balaeva aıtty, dep habarlaıdy almaty-akshamy.kz QazAqparatqa sílteme jasap.
Mınıstrdíń aıtuynsha, bírínshí baǵyt - Elbasynyń baǵdarlamalyq maqalasynda qamtylǵan ıdeyalardyń «Ruhanı jańǵyru» qūndylyqtaryn ary qaraı ílgeríletu. Osy oraıda memldekettík tíldí damytu míndetí jekeleı belgílengen.
«Jalpy, osy blok boıynsha 38 joba josparlanǵan. Olardyń túpkí maqsaty - ūlttyń shyǵarmashylyq árí zıyatkerlík áleuetín qoldau men damytu. Būl baǵyttyń ekínshí mańyzdy míndetí – memlekettík tíldíń qoldanu ayasyn keńeıtu. Óıtkení, «ūltty saqtau» degenímízdíń ózí tíldí saqtap, damytu ekení belgílí. Memleket basshysynyń qazaq tílíníń bolashaqta ūltaralyq tílge aınalatynyna sením bíldírgenín bílesízder. Oǵan búgínde barlyq negíz bar. Memlekettík tílge degen qoǵamnyń sūranysy artyp keledí. Būl – uaqyt talaby», - dedí A. Balaeva.
Osy oraıda ol būl máselede bírqatar auqymdy joba qarastyrylyp otyrǵanyn jetkízdí.
«Atap aıtqanda, memlekettík tíldí oqytu boıynsha ınnovatsıyalyq ÍT-ónímder ázírleu, tanymal anımatsıyalyq jáne tanymdyq arnalardy qazaqshalau, orta bílím berudíń tílge qatysty baǵdarlamalaryna ózgeríster engízu, tehnıkalyq jáne kásíptík bílím beru ūıymdary úshín qazaq tílíndegí oqulyqtar ázírleu sıyaqty júıelí ís-sharalar bar. Bír sózben aıtqanda, maqsatymyz – qoǵamdaǵy qazaqtíldí ortany barynsha keńeıtu, ony tūrmysta ǵana emes, ǵylym men bílímníń, bıznes pen áleumettíń tílíne aınaldyru», - dedí mınıstr.