Almatyda Qazaqstan Respublıkasy Memlekettík qyzmet ísterí agenttígíníń Departamentí ál-Farabı atyndaǵy Qazaq Ūlttyq unıversıtetímen bírlese otyryp, "Adal bílím – Adal ūrpaq" atty qalalyq forum ótkízdí. Bílím beru júıesínde adaldyq mádenıetín qalyptastyruǵa baǵyttalǵan forum jūmysyna memlekettík organdardyń ókílderí, bílím beru ūıymdarynyń basshylary, sala sarapshylary men qoǵam qaıratkerlerí qatysty.
Ís-shara barysynda "Adal bílím" jáne "Adal ūrpaq" bastamalaryn júzege asyrudyń mańyzdylyǵy atap ótíldí. Qatysushylar jastardyń qūndylyqtyq baǵdarlaryn qalyptastyru, otbasylyq tárbıeníń rólín kúsheıtu jáne Almaty qalasynyń bílím beru ūıymdarynda engízílíp jatqan tıímdí tájírıbeler jónínde píkír almasty.
Forum jūmysyn Memlekettík qyzmet ísterí agenttígíníń Almaty qalasy boıynsha departament basshysy Erkebolat Nūrjígítov ashty. Ol kezektí basqosudyń bílím beru júıesíndegí parasattylyq pen adaldyq mádenıetín qalyptastyruǵa arnalǵanyn basa aıtty.
"Bíz jastar men balalardyń boıyndaǵy ádíldík, ashyqtyq jáne jauapkershílík sıyaqty qūndylyqtardy qalaı darytu kerektígín talqylaımyz. Ís-sharaǵa memlekettík organ ókílderí, bílím beru salasynyń mamandary, studentter jáne úkímettík emes ūıymdardyń ókílderí qatysuda. Jalpy, bízdíń departament mūndaı auqymdy sharany alǵash ret ótkízíp otyr. Degenmen aldaǵy uaqytta osyndaı ís-sharalar jıí-jıí ótkízudí josparlap otyrmyz. Mūnda bíz kóteríp otyrǵan negízgí másele – adal ūrpaqty tárbıeleu tásílderín qarastyru", – dedí.
Ol sonymen qatar, sybaılas jemqorlyqqa qarsy kózqarasty qalyptastyru bírínshí kezekte otbasynan bastalyp, keıín mektep jáne joǵary oqu oryndarynda jalǵasuy kerek ekenín atap óttí. Bylaısha aıtqanda, sybaılas jemqrlyqqa qarsy kúres bír kezeńdegí qoǵamdyq nauqannan kórí azamattardyń boıyndaǵy ortaq qūndylyqqa aınaluy mańyzdy dep sanaıtynyn jetkízdí.
Forumda bílím beru salasynda adaldyq mádenıetín damytudaǵy basym baǵyttar men qoldanylyp jatqan tásílder turaly bayandama tyńdalyp, júrgízílíp jatqan jūmystardyń nátıjelerí men aldaǵy míndetter ortaǵa salyndy. Jıyn qorytyndysynda bílím beru júıesíndegí ashyqtyq pen parasattylyqty nyǵaıtuǵa baǵyttalǵan keshendí jūmystardyń mańyzdylyǵy ár qyrynan talqylandy.
Ís-shara "Adal bílím" jáne "Adal ūrpaq" bastamalaryn júzege asyrudyń mańyzdylyǵyn típtí de aıqyndaı tústí. Osy baǵytta jastardyń qūndylyqtyq baǵdarlaryn qalyptastyru, otbasynyń rólín kúsheıtu jáne Almaty qalasynyń bílím beru ūıymdarynda engízílíp jatqan tıímdí tájírıbeler de osy ortanyń keń taqyryptyq talqysynda boldy. Almaty qalasy boıynsha DADGS basshysy Gúlnar Ermekbaeva forumdaǵy bayandamasynda bílím beru salasynda adaldyq mádenıetín damytu baǵytyndaǵy basymdyqtar men tásílder turaly tereń taldauyn ūsyndy. Forum sońynda sybaılas jemqorlyqqa qarsy ís-sharalar ayasynda yntymaqtastyq turaly memorandumǵa qol qoıdy.
"Jalpy, "Adal ūrpaq" tárbıesí baǵytyn Prezıdentímíz Qasym-Jomart Kemelūly ózíníń halyqqa arnaǵan Joldauynda bírneshe ret toqtaldy. Qazírgí tańda būl baǵytta jastar ūıymdarynda, joǵary oqu oryndary men mektepterde auqymdy jūmystar júrgízílíp jatyr. Halyqaralyq sybaılas jemqorlyqqa qarsy kúres kúní ayasynda ótíp jatqan forum Qazaqstan Respublıkasy Memlekettík qyzmet ísterí agenttígíníń Almaty qalasy boıynsha departamentíníń ūıymdastyruymen ótude. Bíz būl basqosuǵa barlyq memlekettík emes ūıymdar men qoǵam belsendílerín jınap, "Adal qoǵam – Adal ūrpaq" taqyrybynda oı bólístík. Almaty qalasy boıynsha "Almaty. Adaldyq alańy" jobalyq keńsemiz jūmys ísteıdí. Sonymen qatar, "Adal ūrpaq" jáne "Sybaılas jemqorlyqsyz bolashaq" jobalary da íske asyp jatyr. Būl jūmystardyń barlyǵy Almaty qalasynyń Íshkí sayasat basqarmasy men agenttíktíń tíkeleı qoldauymen júrgízílude. Bízdíń jūmysymyzdyń eń basty maqsaty – jastar arasynda sybaılas jemqorlyqqa qarsy mádenıettí qalyptastyru. Osy maqsatta bíz forumdar, konferentsıyalar, dóńgelek ústelder ótkízíp, jastarmen kezdesuler ūıymdastyramyz. Sonymen qatar, beınerolıkter kórsetíp, adal qyzmetímen elge eńbegí síńírgen ardagerlermen kezdesuler ūıymdastyramyz. Árıne, júrgízílíp jatqan aqparattyq jūmystardyń óz nátıjesín beríp jatqanyn aıtqym keledí", - dedí "Parasatty ūrpaq úshín" qoǵamdyq qorynyń prezıdentí, Almaty qalasy boıynsha "Adaldyq alańy" jobasynyń jetekshísí Marat Qalımoldın.