QR Memlekettik qyzmet isteri Agenttiginiń Almaty qalasy boıynsha Departamentiniń Memlekettik qyzmet salasyndaǵy baqylaý basqarmasynyń basshysy Ýzbehanov Nurjan jáne Memlekettik qyzmet basqarmasynyń bas mamany Esmaganbetova Anar Almaty bólimshelik kóliktegi sanıtarıalyq-epıdemıalogıalyq baqylaý basqarmasynyń qyzmetkerlerimen semınar-kezdesý ótkizildi.
Jıynǵa Basqarmanyń barlyq memlekettik qyzmetshileri qatysty.
Kezdesý barysynda, Nurjan Ýzbehanovpen:
- Memlekettik qyzmetshilerdiń ádep normalaryn saqtaý, ujymnyń ishinde memlekettik qyzmetshilerdiń ar-namysy men qadir-qasıetin kemsitýshiliktiń jáne oǵan qolsuǵýshylyqtyń kez kelgen nysandaryn bolǵyzbaıtyn qolaıly moraldyq-psıhologıalyq ahýal jasaý qajettiligi;
- Memlekettik qyzmettegi shekteýler, onyń ishinde lýdomanıa jáne taǵy da basqa máseleler;
- Memlekettik qyzmetshilerdiń tártiptik jaýapkershiligi, onyń ishinde basqa memlekettik saıası nemese ákimshilik laýazymǵa ornalasqan memlekettik qyzmetshi aldyńǵy memlekettik laýazymda tártiptik teris qylyq jasaǵany úshin tártiptik jaýaptylyqqa Qazaqstan Respýblıkasynyń zańnamasynda belgilengen tártippen tártiptik jaza qoldaný merzimderi eskerile otyryp tartylý;
- Memlekettik qyzmet týraly jańa zańnyń jobasy jáne basqa da memlekettik qyzmet salasyndaǵy týyndaıtyn máseleler boıynsha túsindirme berildi.
Kezdesý barysynda qyzmetkerler tarapynan memlekettik qyzmet salasyndaǵy zańnama talaptaryna qatysy birqatar suraqtar kóterilip, naqty keıster talqylanyp, qoıylǵan suraqtarǵa tolyq túsindirmeler usynyldy.
Budan bólek, kezdesý barysynda Agenttik Tóraǵasynyń jáne Mádenıet jáne aqparat mınıstriniń birlesken buıryǵymen bekitilgen 2025-2027 jyldarǵa arnalǵan «Adal azamat» ıdealdaryna sáıkes memlekettik qyzmetshilerdiń kásibı jáne jeke qasıetterin ilgeriletý jónindegi jol kartasy jetkizildi.
Semınar barysynda Memlekettik qyzmetke kirý tártibiniń jańa formaty týraly jáne «Qazaqstan Respýblıkasynyń Memlekettik qyzmet týraly» Zańnyń 16 babyna engizilgen ózgerister túsindirildi.
Aldaǵy ýakytta túsindirý jumystary jalǵasatyn bolady.