Álem chempıonatynyń dzúdodan kúmis júldegeri, qazaqstandyq Ábıba Ábýjaqynova 48 kelige deıingi salmaq dárejesinde 2025 jyldyń qorytyndysy boıynsha álemdik reıtıńte birinshi orynǵa shyqty, - dep habarlaıdy aqshamnews.kz tilshisi Halyqaralyq dzúdo federasıasynyń (IJF) baspasóz qyzmetine silteme jasap habarlady.
28 jastaǵy dzúdoshy Japonıadaǵy Grand Slam serıasynyń sońǵy kezeńine qatyspaǵanymen, bul onyń álemdik reıtıńte kóshbasshy bolyp qalýyna kedergi bolǵan joq.
Bul salmaqta ekinshi orynda - Olımpıadanyń qola júldegeri, shvesıalyq Tara Babýlfat, al úshinshi orynda - reseılik Sabına Gálázova.
"Jyl aıaǵynda qazaqstandyq sportshynyń qorjynynda 5096 upaı bar. Ol 48 kelige deıingi salmaq dárejesinde birinshi orynda tur. Bul rette bizdiń dzúdoshylardyń eshqaısysy top-10 qataryna kire almady. Oǵan eń jaqyn bolǵandar - 66 kelige deıingi salmaqta Ǵusman Qyrǵyzbaev pen 81 kelige deıingi salmaqta Abylaıhan Jubanazar, olar 14-orynda ornalasqan", - dep naqtylady UOK baspasóz qyzmeti.
Aıta keteıik, 2025 jyly Ábıba Ábýjaqynovanyń enshisinde Aýstrıadaǵy Gran-prı kezeńindegi jeńis, Grand Slam týrnırleriniń eki qola júldesi jáne álem chempıonatynyń kúmis medali bar.
Ótken maýsymda qazaqstandyq sportshy Parıj Olımpıadasyna qatysqanymen, júldege qol jetkize almady.