Abaı Qunanbaıulynyń 180 jyldyq mereıtoıy men kórnekti abaıtanýshy-ǵalymJabal Shoıynbettiń 70 jyldyǵyna arnalǵan«Abaıtanýdyń jańa kezeńi jáne Jabal Shoıynbet» atty respýblıkalyq forým ótti, - dep habarlaıdy Aqshavmnews.kz.
Abaıtanýshylar forýmyna elimizdiń jetekshi ǵalymdary, zıaly qaýym ókilderi, orta mekteptegi «Abaıtanýdan» sabaq beretin muǵalimder men stýdentter qatysty.
Jıyndy ýnıversıtettiń Akademıalyq qyzmet jónindegi prorektory Baný Narbekova ashyp, Abaı murasyn zertteýdiń ulttyq rýhanıatty damytýdaǵy mańyzyn atap ótti. Sharanyń ǵylymı-tájirıbelik mazmunyn tereńdetý maqsatynda forým moderatory abaıtanýshy Dáýren Muhamadıev boldy.
İs-shara barysynda Jabal Shoıynbetqurastyrǵan «Abaıdy zertte, tańyrqat» jáne «Mekemtas Myrzahmetuly – Abaı jolymen» attyeki birdeı ǵylymı jınaqtyń tusaýy kesildi. Olardyń tusaýyn QR Memlekettik syılyǵynyń laýreaty Orazaly Sábden, QR Ǵylym jáne joǵary bilim mınıstrligi komıtet tóraǵasynyń orynbasary Aqerke Abylaıhan, Akademıalyq qyzmet jónindegi prorektory Baný Narbekova, belgili ǵalymdar Dandaı Ysqaquly men Baltabaı Ábdiǵazıuly kesti. Bul eńbekter abaıtanýdy oqytý isine tyń serpin beretin mańyzdy quraldar retinde baǵalandy.
Forýmda abaıtaný ǵylymynyń ózekti baǵyttaryna arnalǵan mazmundy baıandamalar oqyldy. Aqerke Abylaıhan «Tolyq adam tuǵyry –ádilet» atty baıandamasynda Abaı ilimindegi ádilet konsepsıasyn memlekettik damý strategıasymen baılanystyryp, Prezıdent Qasym-Jomart Toqaevtyń zań ústemdigi týraly tujyrymdaryn mysalǵa keltirdi. Ol Jabal Shoıynbettiń «Tolyq adam» eńbeginiń qazirgi gýmanıtarlyq ǵylymdaǵy mańyzyna erekshe toqtaldy. Orazaly Sábden «Abaı jáne qazaqtyń bolashaǵy» baıandamasynda hákim murasynyń el damýyna yqpalyn jan-jaqty sóz etip, Abaı murasyn damytýǵa qatysty usynystaryn bildirdi. Synshy-ǵalym Dandaı Ysqaq Jabal Shoıynbet zertteýleriniń erekshelikterine toqtalsa, QMDB janyndaǵy Islam ǵylymı-zertteý ınstıtýtynyń dırektoryTóráli Qydyr Abaı dúnıetanymyndaǵy ıslamdyq qundylyqtardy saralady. Professorlar Gúlzıa Pirálıeva men Rýda Zaıkenova abaıtanýdyńzamanaýı ǵylymı baǵyttaryn taldap, Jabal Shoıynbettiń eńbekterimen sabaqtastyra otyryp mazmundy pikir aıtty.
Bul baıandamalar forýmǵa arnaıy qatysqanAlmaty qalasy men Almaty oblysyndaǵy orta mektepterdiń «Abaıtaný» páni muǵalimderine óte qundy da tushymdy aqparat boldy. Sondaı-aq, pándi oqytýǵa ádistemelik tıimdi tásilder retinde usynyldy.
Jıyn sońynda Abaı atyndaǵy QazUPÝ Basqarma tóraǵasy-rektorynyń keńesshisi Haırýlla Nyshanuly ýnıversıtet atynan quttyqtaý sóz sóılep, 70-ke tolǵan Jabal Shoıynbetke shapan jaýyp, «Abaı» tósbelgisin tabys etti. Sonymen qatar, forým jumysyna kelgen tanymal ǵalymdar men qonaqtar óz mekemeleri atynan mereıtoı ıesine syı-sıapattaryn usyndy.
Respýblıkalyq deńgeıde uıymdastyrylǵan bul ǵylymı basqosý Abaı murasyn jańasha paıymdaýǵa, abaıtanýdyń jańa kezeńin aıqyndaýǵa jáne «Tolyq adam» ulttyq ıdeıasynyń qazirgi gýmanıtarlyq ǵylymdaǵy ornyn talqylaýǵa múmkindik bergen mańyzdy forým boldy. Qatysýshylar Abaı shyǵarmashylyǵyn jan-jaqty zertteýdiń bolashaq baǵyttaryn belgileý arqyly qazaq rýhanıatyndaǵy abaıtanýdyń damý keleshegine qatysty ortaq ustanym qalyptastyrdy.
